براڈکاسٹ کیمروں نے پرتگالی اسٹار کھلاڑی کو ٹورنٹو میں پرتگال کے راؤنڈ آف ۳۲ کے مقابلے میں برابری کا گول کرنے سے پہلے بظاہر دو بار عربی کلمہ ”بسم اللہ“ کہتے ہوئے قید کرلیا۔ تاہم، ابھی تک باضابطہ طور پر اس کی تصدیق نہیں ہو پائی ہے کہ واقعی انہوں نے ’بسم اللہ‘ کے الفاظ ادا کئے۔

فیفا ورلڈ کپ ۲۰۲۶ء میں کروشیا کے خلاف کرسٹیانو رونالڈو کی پنالٹی کک سے پہلے ریکارڈ کیا گیا ایک مختصر لمحہ، ٹورنامنٹ کا سب سے زیادہ زیرِ بحث آنے والا کلپ بن گیا ہے۔ براڈکاسٹ کیمروں نے پرتگالی اسٹار کھلاڑی کو ٹورنٹو میں پرتگال کے راؤنڈ آف ۳۲ کے مقابلے میں برابری کا گول کرنے سے پہلے بظاہر دو بار عربی کلمہ ”بسم اللہ“ کہتے ہوئے قید کرلیا۔ تاہم، ابھی تک باضابطہ طور پر اس کی تصدیق نہیں ہو پائی ہے کہ واقعی انہوں نے ’بسم اللہ‘ کے الفاظ ادا کئے۔

Did Ronaldo recite Bismillāh before taking a penalty for Portugal? pic.twitter.com/t4Nt6WinS4

— • (@Alhamdhulillaah) July 3, 2026

یہ ویڈیو کلپ سوشل میڈیا پر تیزی سے وائرل ہوگیا ہے جس نے خاص طور پر دنیا بھر کے مسلم ناظرین کے دلوں کو چھو لیا۔ پرتگال پنالٹی حاصل کرنے سے پہلے ایوان پیریسیچ کے ایک گول کی وجہ سے پیچھے چل رہا تھا۔ رونالڈو نے آسانی سے اسے گول میں تبدیل کیا۔ یہ ان کا ورلڈ کپ کے ناک آؤٹ مرحلے میں اب تک کا پہلا گول اور ٹورنامنٹ میں ان کا تیسرا گول تھا۔ رونالڈو نے پنالٹی کے ذریعے برابری کا گول کیا، جس نے انہیں ۴۱ سال کی عمر میں مَردوں کے ورلڈ کپ ناک آؤٹ میچ میں گول کرنے والا معمر ترین کھلاڑی بنا دیا۔ اس کے بعد گونزالو راموس نے انجری ٹائم کے آخری لمحات میں دوسرا گول کرکے اس میچ کو ۲-۱ سے جیت میں بدل دیا اور پرتگال کو اگلے مرحلے میں پہنچا دیا۔ 

یہ بھی پڑھئے: فیفا ورلڈکپ : رونالڈو کی پنالٹی کامیاب، پرتگال نے کروشیا کو مات دی

رونالڈو کے مسلم ثقافت کے ساتھ گہرے روابط

جنوری ۲۰۲۳ء میں سعودی عرب کے کلب ’النصر‘ (Al Nassr) میں شامل ہونے کے بعد سے رونالڈو نے خود کو عرب اور مسلم طرزِ زندگی میں کافی گہرائی سے ڈھال لیا ہے، جس کی وجہ سے ناظرین کیلئے اس دعوے پر یقین کرنا آسان ہوگیا کہ رونالڈو نے بسم اللہ کہا۔ وہ باقاعدگی سے ہجوم کو ”سلام علیکم“ کہہ کر خوش آمدید کہتے ہیں، جشن مناتے ہوئے روایتی سعودی لباس `بشت` پہن چکے ہیں اور اپنے مسلم ساتھی کھلاڑیوں کیلئے اذان کی آواز گونجنے پر کوچز سے ٹریننگ روکنے کی درخواست کر چکے ہیں۔ وہ گول کا جشن مناتے ہوئے سجدہ کرنے میں بھی شامل رہے ہیں۔ 

النصر کے سابق کھلاڑی شائع شراحیلی کے مطابق، رونالڈو نے اس تجربے کو سمجھنے کیلئے رمضان کے دوران دو دن کے روزے بھی رکھے تھے۔ ان کے ریئل میڈرڈ کے سابق ساتھی کھلاڑی مسعود اوزیل نے مبینہ طور پر بتایا تھا کہ رونالڈو انہیں ”بسم اللہ“ کہنا یاد دلایا کرتے تھے، جس سے یہ ظاہر ہوتا ہے کہ اس جملے سے ان کی واقفیت برسوں پرانی ہے۔

یہ بھی پڑھئے: فلسطین کی حمایت: ترک ٹینس اسٹارزینب سونمیز نے ریکیٹ پر ’’تربوز‘‘ کا نشان لگایا

خبر لکھے جانے تک، رونالڈو نے اس وائرل کلپ پر کوئی باضابطہ بیان نہیں دیا ہے۔ تاہم، مسلم دنیا میں دیکھنے والے کروڑوں لوگوں کیلئے یہ کلپ مسکرانے کی ایک بڑی وجہ بن گئی ہے۔

A class act from Cristiano Ronaldo ❤️

Leaves the pitch in tears, remembering Diogo Jota carrying his presence with him in the most powerful way.

A remembrance, respect, and heartbreak all at once 🥺

Moments like this strip football down to what it really is ... Not just… pic.twitter.com/FnfFFZPEcg

— Yazz LFC (@YazzLFC) July 3, 2026

رونالڈو نے اپنے آنجہانی دوست ڈیاگو جوٹا کی جرسی پہن کر انہیں خراج عقیدت پیش کیا

پرتگال نے ورلڈ کپ کے راؤنڈ آف ۳۲ میں کروشیا کو شکست دے دی اور یہ جیت سابق ساتھی کھلاڑی ڈیگو جوٹا (Diogo Jota) کیلئے ایک جذباتی خراجِ عقیدت بن گئی۔ میچ کے بعد، رونالڈو نے جوٹا کی ۲۱ نمبر کی جرسی پہنی اور آنسوؤں کے ساتھ آسمان کی طرف اشارہ کیا۔ یہ میچ کار حادثے میں جوٹا کی موت کی پہلی برسی سے ٹھیک پہلے کھیلا گیا۔ پرتگال کا مقابلہ اب پیر کے دن راؤنڈ آف ۱۶ میں اسپین سے ہوگا۔