جوکووچ نے گرینڈ سلیم میں سب سے زیادہ مرتبہ سیمی فائنل میں پہنچنے کا ریکارڈ اپنے نام کرلیا

 سربیا کے ٹینس اسٹار نوواک جوکووچ اور امریکی نوجوان کھلاڑی کوکو گف نے یو ایس اوپن کے سیمی فائنل میں جگہ بنا لی ہے، جبکہ مردوں کے ڈبلز میں ہندوستانی کھلاڑی روہن بوپنا نے اپنے آسٹریلیائی ساتھی میمی ایبڈن کے ساتھ سیمی فائنل میں داخلہ حاصل کیا۔ 
 منگل کو مینز سنگلز کے کوارٹر فائنل میں سربیا کے نوواک جوکووچ نے امریکی ٹیلر فرٹز کو۱۔۶، ۴۔۶، ۴۔۶؍ سے شکست دی۔ جوکووچ۴۷؍ ویں مرتبہ کسی گرینڈ سلیم کے سیمی فائنل میں پہنچے ہیں۔اس معاملے میں انہوںنے ریکارڈ بنایا ہے اور راجر فیڈرر کے ۴۶؍مرتبہ گرینڈ سلیم کے سیمی فائنل میں پہنچنے کا ریکارڈ توڑ دیا۔ وہ یو ایس اوپن میں۱۳؍ویں مرتبہ سیمی فائنل میں پہنچے ہیں۔ جوکووچ ۱۷؍ویں بار یہاں کھیل رہے ہیں۔
 خواتین میں امریکہ کی کوکو گف نے لاتویا کی جیلینا اوسٹاپینکو کو۰۔۶، ۲۔۶؍ سے ہرا کر سیمی فائنل میں جگہ بنا لی۔ گف نے اوسٹاپینکو کو شکست دی جنہوں نے عالمی نمبر ایک ایگا سواتیک کو شکست دی تھی۔ کوکو گف نے منگل کی رات گئے کھیلے گئے ویمنز سنگلز کے کوارٹر فائنل میں۲۰۱۷ء کی فرنچ اوپن کی فاتح جیلینا اوسٹاپینکو کو سیدھے سیٹوں میں شکست دی۔ امریکہ کی۱۹؍ سالہ گف۲۰۰۱ء میں سیرینا ولیمز کے بعد پہلی کھلاڑی ہیں جو یو ایس اوپن کے سیمی فائنل میں پہنچی ہیں۔       چھٹے نمبر پر آنے والی گف کا سنیچر کو فائنل میں جگہ کیلئے اس سال کی فرانسیسی اوپن کی رنر اپ چیک جمہوریہ چیک کی کیرولینا موچووا سے مقابلہ ہوگا۔ ہندوستان کے روہن بوپنا اورمیتھیو ایبڈن مینز ڈبلز کے سیمی فائنل میں پہنچ گئے ہیں۔