آرسنل کی فٹبال ٹیم نے اپنی شاندار کارکردگی کی بدولت انگلش پریمیر لیگ (ای پی ایل)کے پوائنٹس ٹیبل پردفاعی چمپئن لیورپول سے ٹاپ پوزیشن چھین لی ہےجبکہ دفاعی چمپئن لیورپول کی ٹیم ایک درجہ تنزلی کے بعد دوسرے نمبر پر چلی گئی ہے۔

آرسنل کی فٹبال ٹیم نے اپنی شاندار کارکردگی کی بدولت انگلش پریمیر لیگ (ای پی ایل)کے پوائنٹس ٹیبل پردفاعی چمپئن  لیورپول سے ٹاپ پوزیشن چھین لی ہےجبکہ دفاعی چمپئن لیورپول کی ٹیم ایک درجہ تنزلی کے بعد دوسرے نمبر پر چلی گئی ہے۔ای ایس پی این کے مطابق اب تک کھیلے جانے والے  میچوں کے بعد آرسنل کی ٹیم کے سب سے زیادہ۱۶؍پوائنٹس ہیں اور اس نے دفاعی چمپئن  لیورپول سے پہلی پوزیشن چھین لی ہے۔ 
لیورپول کی ٹیم ایک درجہ تنزلی کے بعد پہلے سے دوسرے نمبر پر چلی گئی ہے۔ ٹوٹنہم ہاٹسپر اور بورن مائوتھ کی ٹیموں کے ۱۴۔۱۴؍ پوائنٹس مساوی ہیں اور یہ ٹیمیں بالترتیب تیسرے اور چوتھے نمبر پر ہیں۔ انگلش پریمیر لیگ کے۳۴؍ ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔ یہ مجموعی طور پر ٹاپ فلائٹ انگلش فٹبال کا ۱۲۷؍واں ایڈیشن ہے۔

Merino levelling it up! 🥶 https://t.co/Auycidgzp1 pic.twitter.com/ncFNRLUohK

— Arsenal (@Arsenal) October 11, 2025

لیگ میں شامل تمام ۲۰؍ٹیموں نے اپنے۷۔۷؍میچ  کھیل چکے ہیں ۔ آرسنل کی ٹیم۷؍ میچ کھیل چکی ہے اور پانچوں میچ میں فتح حاصل کی ہے اور وہ سب سے زیادہ۱۶؍ پوائنٹس کے ساتھ ایک درجہ ترقی پاکر ٹاپ پوزیشن پر پہنچ گئی ہے ۔دفاعی چمپئن لیورپول کی ٹیم نے بھی  ۷؍میچ کھیلے ہیں اور ۵؍ میں کامیابی حاصل کی ہے تاہم ۱۵؍ پوائنٹس کے ساتھ ایک درجہ تنزلی کے بعد پہلے سے دوسرے نمبرپر چلی گئی ہے۔

یہ بھی پڑھئے:گیان دتّو، بھویا-وشاکھا کوارٹر فائنل میں داخل

اسی طرح ٹوٹنہم   اور بورن مائوتھ کی ٹیموں نے بھی ۷۔۷؍ میچ کھیل لئے ہیں اور۱۴۔۱۴؍ مساوی پوائنٹس ہونے کے ساتھ یہ ٹیمیں بالترتیب تیسرے اور چوتھے نمبر پر ہیں۔ مانچسٹر سٹی فٹبال کلب کے ۱۳؍پوائنٹس ہیں اور وہ ٹیبل پر پانچویں نمبر پر ہے،کرسٹل پیلس کے ۱۲؍ پوائنٹس ہیں اور وہ ٹیبل پر چھٹے نمبر پر ہے۔چیلسی،ایورٹن اور سندرلینڈ کی ٹیمیں ۱۱، مساوی پوائنٹس کے ساتھ بالترتیب ساتویں، آٹھویں اورنویں نمبر پر ہیں۔ 
اسی طرح مانچسٹر یونائٹیڈ کی ٹیم کے۱۰؍پوائنٹس ہیں اور وہ ٹیبل پر دسویں نمبر پر موجود ہے ۔ وولور ہیمپٹن کی ٹیم بھی ۷؍ میچ  کھیل چکی ہے اور ساتوں میچز میں اس کو شکست کا سامنا کرناپڑا ہے۔واضح رہے کہ انگلش پریمیر لیگ کے رواں سیزن میں شامل ۲۰؍ کلبوں کی ٹیموں میں دفاعی چمپئن لیورپول، آرسنل، آسٹن ولا،بورن مائوتھ،برینٹ فورڈ،برائٹن اینڈ ہوو البیون،برنلے،چیلسی،کرسٹل یلس،ایورٹن،فلہم،لیڈز یونائٹیڈ،مانچسٹر سٹی، مانچسٹر یونائٹیڈ، نیوکیسل یونائٹیڈ،ناٹنگھم ارسٹ، سنڈرلینڈ، ٹوٹنہم ہاٹسپر،ویسٹ ہیم یونائٹیڈ اور وولور ہیمپٹن شامل ہیں۔