گجرات ٹائٹنس نے محمدسمیع اور راشد خان کی خطرناک گیندبازی کے بعد سائی سدرشن (ناٹ آؤٹ۶۲؍رن) کی نصف سنچری اور ڈیوڈ ملر (ناٹ آؤٹ۳۱؍رن) کی عمدہ اننگز کی بدولت انڈین پریمیر لیگ میں دہلی کیپٹلس پر ۶؍ وکٹ سے آسانی کامیابی حاصل کرلی۔

 گجرات ٹائٹنس نے محمد سمیع اور راشد خان کی خطرناک گیندبازی کے بعد سائی سدرشن (ناٹ آؤٹ۶۲؍رن) کی نصف سنچری اور  ڈیوڈ ملر (ناٹ آؤٹ۳۱؍رن) کی  عمدہ اننگز کی بدولت  انڈین پریمیر لیگ میں دہلی کیپٹلس پر ۶؍ وکٹ سے آسانی کامیابی حاصل کرلی۔  دہلی نے پہلے بلے بازی کرتے ہوئے گجرات کے سامنے۱۶۳؍ رن کا ہدف رکھا جسے گجرات نے۱۱؍ گیندیں باقی رہتے ہوئے حاصل کر لیا۔دہلی کی جانب سے کپتان ڈیوڈ وارنر نے۳۲؍ گیندوں پر ۷؍ چوکوں کی مدد سے۳۷؍ رن  بنائے جبکہ اکشر نے۲۲؍ گیندوں پر ۲؍ چوکوں اور ۳؍ چھکوں کی مدد سے۳۶؍ رن بنائے۔ سمیع اور راشد نے ۳۔۳؍ وکٹ لے کر دہلی کی بلے بازی کو چمکنے نہیں دیا۔ ہدف کا تعاقب کرتے ہوئے گجرات نے ۵۴؍رن پر ۳؍ وکٹ گنوا دئیے تھے جس کے بعد سدرشن نے ٹیم کو مضبوطی دی۔ سدرشن نے اپنی محتاط  اننگز میں ۴؍چوکوں اور ۲؍ چھکوں سمیت۴۸؍ گیندوں میں۶۲؍ رن بنائے۔