انگلینڈ کے کپتان ہیری کین نے کروشیا کے خلاف فیفا ورلڈ کپ ۲۰۲۶ء کے افتتاحی میچ میں تاریخ رقم کر دی۔ انگلینڈ کے کپتان نے لیونل میسی کو پیچھے چھوڑا۔

انگلینڈ کے کپتان ہیری کین نے کروشیا کے خلاف  فیفا  ورلڈ کپ ۲۰۲۶ء کے افتتاحی میچ میں تاریخ رقم کر دی۔ انگلینڈ کے کپتان نے نہ صرف لیونل میسی کو پیچھے چھوڑا بلکہ ۶۰؍ سال پرانا فیفا  ورلڈ کپ ریکارڈ بھی توڑ دیا۔ یہ اس وقت ہوا جب انہوں نے میچ کے ۱۲؍ویں منٹ میں گیند کو جال میں پہنچایا۔
ہیری کین کاپنالٹی رپورٹ کارڈ
ہیری کین  نے ۲۰۱۸ء میں تین پنالٹیز اسکور کیں، جب ان کی قیادت میں انگلینڈ ۱۹۹۰ء کے بعد پہلی بار سیمی فائنل تک پہنچا۔ ۲۰۲۲ء میں انہوں نے فرانس کے خلاف کوارٹر فائنل میں ایک گول کیا، تاہم اسی میچ میں وہ ایک پنالٹی مس بھی کر گئے۔ مجموعی طور پرکین  نے چھ پنالٹیز لی ہیں جن میں سے پانچ کو گول میں تبدیل کیا۔
کروشیا کے خلاف میچ میں انہوں نے ۳۰؍ منٹ بعد ایک عام گول بھی کیا جس سے انگلینڈ کو۱۔۲؍گول کی برتری ملی کیونکہ مارٹن باتورینا نے ۳۶؍ویں منٹ میں برابری کر دی تھی۔ آخرکار انگلینڈ نے یہ میچ۲۔۴؍گول  سے جیت لیا۔ دلچسپ بات یہ ہے کہ ۲۰۱۸ء کے سیمی فائنل میں کروشیا نے ہی انگلینڈ کو شکست دی تھی۔

یہ بھی پڑھئے:کین اور بیلنگھم کی شاندار کارکردگی سے انگلینڈ نے کروشیا پر سنسنی خیز کامیابی

ہائی وولٹیج ایکشن
پنالٹی کے دوران ڈرامہ دیکھنے کو ملا جس نے کین کو ریکارڈ بک میں جگہ دلائی۔ انہوں نے پہلی بار پنالٹی مس کی، لیکن وی اے آرنے دیکھا کہ کروشیا کے گول کیپر نے کک سے پہلے لائن سے آگے قدم بڑھایا تھا۔ اس لیےکین کو دوبارہ موقع دیا گیا اور اس بار ۳۲؍ سالہ کھلاڑی نے کوئی غلطی نہیں کی۔
 ہیری کین کا ورلڈ کپ ریکارڈ 
کین کے اب ورلڈ کپ میں ۱۲؍ میچز میں ۱۰؍ گول ہو گئے ہیں۔ وہ انگلینڈ کے لیے سب سے زیادہ ورلڈ کپ گول کرنے کے گیری لینکرکے ریکارڈ کے برابر آ گئے ہیں، جنہوں نے ۱۹۸۶ء اور ۱۹۹۰ء کی دو ٹورنامنٹس میں یہی تعداد حاصل کی تھی۔

یہ بھی پڑھئے:’’ دیوانے ہیں‘‘ کے ساتھ لوٹا پرانے بالی ووڈ کے جشن کا رنگ، ’’ویلکم ٹو دی جنگل‘‘ کا نیا گانا ریلیز

انگلینڈ کی طویل ٹائٹل خشک سالی
انگلینڈ نے ۱۹۶۶ء کے بعد سے کوئی ورلڈ کپ نہیں جیتا۔کین اس خطاب کی خشک سالی کو ختم کرنا چاہیں گے۔ ۱۹۶۶ء کے بعد انگلینڈ۱۹۹۰ء  اور ۲۰۱۸ء میں سیمی فائنل تک پہنچا، جو ان کی بہترین کارکردگی رہی۔ کیا وہ اس بار ٹائٹل جیت سکتے ہیں؟ یہ ناممکن نہیں، ٹیم مضبوط ہے، لیکن مقابلہ بہت سخت ہے۔
پ۔۔۔