جمائمہ روڈریگیز (ناٹ آؤٹ ۱۲۷؍رن) اور کپتان ہرمن پریت کور (۸۹؍رن) کی شاندار کارکردگی کی بدولت ہندوستان نے جمعرات کو خواتین کے ون ڈے ورلڈ کپ کے دوسرے سیمی فائنل میں آسٹریلیا کو نو گیندیں باقی رہتے ۵؍ وکٹ سے شکست دے کر ٹورنامنٹ کے فائنل میں جگہ بنا لی۔

 جمائمہ روڈریگیز (ناٹ آؤٹ ۱۲۷؍رن) اور کپتان ہرمن پریت کور (۸۹؍رن) کی شاندار کارکردگی کی بدولت ہندوستان نے جمعرات کو خواتین کے ون ڈے ورلڈ کپ کے دوسرے سیمی فائنل میں آسٹریلیا کو نو گیندیں باقی رہتے ۵؍ وکٹ  سے شکست دے کر ٹورنامنٹ کے فائنل میں جگہ بنا لی جہاں اس کا مقابلہ جنوبی افریقہ سے ہوگا۔

📽️ Raw reactions after an ecstatic win 🥹

The #WomenInBlue celebrate a monumental victory and a record-breaking chase in Navi Mumbai 🥳

Get your #CWC25 tickets 🎟️ now: https://t.co/vGzkkgwXt4 #TeamIndia | #INDvAUS pic.twitter.com/MSV9AMX4K1

— BCCI Women (@BCCIWomen) October 31, 2025

۳۳۹؍رن  کے ہدف کے تعاقب میں ہندوستان کی شروعات خراب رہی، اوپنر شفالی ورما (۱۰؍رن) کو ۱۳؍ رنز کے اسکور پر میدان بدر ہوئیں۔ وہ کم گارتھ کی گیند پر ایل بی ڈبلیو آؤٹ قرار پائیں۔ اس کے بعد گارتھ نے ۱۰؍ویں اوور میں اسمرتی مندھانا (۲۴؍ رن) کو آؤٹ کیا۔ ایسی نازک صورتحال میں جمائما روڈریگیز اور کپتان ہرمن پریت کور کی جوڑی نے نہ صرف اننگز کو آگے بڑھایا بلکہ تیز رفتاری سے رنز بھی بنائے۔ دونوں بلے بازوں نے تیسرے  وکٹ کے لیے۱۶۷؍ رن جوڑے۔ اینابیل سدرلینڈ نے ۳۶؍ویں اوور میں ہرمن پریت کور کو آؤٹ کر کے اس شراکت کو توڑا۔ ہرمن پریت کور نے۸۸؍ گیندوں پر ۸۹؍ رنز کی شاندار اننگز کھیلی جس میں ۱۰؍ چوکے اور دو چھکے شامل تھے۔ ۴۱؍ویں اوور میں دپتی شرما (۲۴؍رن) ۱۷؍ گیندوں پر چوتھے  وکٹ کے لیے رن آؤٹ ہوئیں۔ روڈریگز نے۴۲؍ویں اوور کی چوتھی گیند پر ایک رن لے کر اپنی سنچری مکمل کی۔ اس دوران انہوں نے ۱۱۵؍ گیندوں میں ۱۰؍ چوکے لگائے۔۴۶؍ ویں اوور میں سدرلینڈ نے رچا گھوش کو ۱۶؍ گیندوں میں ۲۶؍ رنز پر آؤٹ کرکے ہندوستان کو بڑا دھچکا پہنچایا۔ رچا گھوش نے اپنی اننگز میں دو چوکے اور دو چھکے لگائے۔ امنجوت کور نے۴۹؍ویں اوور کی تیسری گیند پر چوکا لگا کر ہندوستان کو ۵؍ وکٹوں سے فتح دلائی۔ امنجوت کور آٹھ گیندوں میں دو چوکے لگا کر ۱۵؍ رنز بنا کر ناٹ آؤٹ رہیں۔ جمائمہ روڈریگیز نے ۱۳۴؍ گیندوں پر ۱۴؍چوکوں کی مدد سے ناقابل شکست ۱۲۷؍ رنز بنائے۔ آسٹریلیا کی جانب سے اینابیل سدرلینڈ اور کم گارتھ نے ۲۔۲؍ وکٹ حاصل کئے۔
 اس سے قبل، فوبی لیچفیلڈ کی شاندار سنچری(۱۱۹)  اور ایلیس پیری (۷۷) اور ایشلے گارڈنر (۶۳) کی نصف سنچریوں کی بدولت آسٹریلیا نے ہندوستان کے خلاف دوسرے سیمی فائنل میں۵ء۴۹؍ اوور میں ۳۳۸؍رن  کا مضبوط اسکور کھڑا کیا تھا۔ آسٹریلوی ویمن بیٹر لیچ فیلڈ نے شاندار سنچری اسکور کرتے ہوئے ۱۱۹؍ رنز کی اننگزکھیلی، ان کی اننگز میں۳؍  چھکے اور۱۷؍ چوکے شامل تھے۔ پیری نے۷۷؍ اور گارڈنر نے ۶۳؍ رنز بنائے، ہندوستان کی طرف سے شری چرنی، دپتی شرما نے۲۔۲؍ وکٹ حاصل کئے۔

یہ بھی پڑھئے:لیورپول بمقابلہ کرسٹل پیلس: کرسٹل پیلس نے لیورپول کو۳؍گول سے روند دیا

لیچ فیلڈ نے اپنی سنچری کے دوران بہت کم غلط شاٹ کھیلے اور ہر بولر کو دباؤ میں رکھا۔ پیری نے پوری اننگز میں اپنی مہارت کا مظاہرہ کیا  تاہم آخری۱۵؍ سے ۲۰؍ اوورز میں مسلسل وکٹ آسٹریلیا کے لیے مشکلات کا باعث بنتی رہیں  تاہم، گارڈنر نے ایک شاندار اننگز کھیلی، جس سے ان کی ٹیم کو مضبوط ٹوٹل تک پہنچنے میں مدد ملی۔
ایک موقع پر، کریز پر لیچ فیلڈ کے ساتھ، آسٹریلیا ۴۰۰؍ رنز بنانے کی جانب بڑھ رہا تھا، لیکن وکٹوں کے مسلسل گرنے سے صورتحال خراب ہو گئی۔ ہیلی جلد آؤٹ ہوئیں اور بارش کے بعد لیچ فیلڈ اور پیری نے ۱۵۵؍ رنز کی مضبوط شراکت قائم کی۔ لیچ فیلڈ نے شاندار بلے بازی کرتے ہوئے ورلڈ کپ کے ایک اہم میچ میں اپنی پہلی سنچری اسکور کی۔ لیچ فیلڈ نے ۹۳؍ گیندوں پر۱۱۹؍ رنز میں ۱۷؍ چوکے اور ۳؍ چھکے لگائے۔
اس وقت ہندوستان دباؤ میں تھا۔ آسٹریلیا نے یکے بعد دیگرے وکٹ گنوائیں، لیکن گارڈنر نے تیز رفتار اننگز کھیلی،  ۴۵؍گیندوں پر ۶۳؍ رنز بنائے، جس میں چار چوکے اور چار چھکے شامل تھے۔ پھر بھی، آسٹریلیا نے محسوس کیا ہوگا کہ وہ کم از کم ۳۰؍ زیادہ  رنز بنا سکتے تھے۔جس کا خمیا زہ انہیں شکست کی صورت میں بھگتنا پڑا ۔ہندوستان کی فیلڈنگ معمولی تھی، جس میں متعدد غلطیاں تھیں جن کی وجہ سے رنز بنتے گئے۔ ایک بار پھر سری چرنی ہندوستان کی بہترین گیند باز ثابت ہوئیں۔ بڑے میچ میں رنز بنانے سے ہمیشہ دباؤ پیدا ہوتا ہے لیکن یہ ایک اچھا وکٹ اور تیز آؤٹ فیلڈ ہے۔ اگر اوس پڑتی ہے تو اس کا فائدہ صرف تعاقب کرنے والی ٹیم کو ہوتا ہے اور ایسا ہی ہوا ہندوستانی بلے بازوں نے اس کا بھرپور فاہدہ اٹھایا اورایک آسان جیت کتے ساتھ فائنل  میں رسائی کرلی ۔