مارش اور نکولس پورن کی شاندار اننگز اور اس کے بعد ورک، اویس خان اور آیوش بدونی کی شاندار گیند بازی کی بدولت لکھنؤ سپر جائنٹس کامیاب۔

مشیل مارش (۱۱۷؍ رن) اور نکولس پورن (ناٹ آؤٹ۵۶؍رن) کی شاندار اننگز اور اس کے بعد ولیم اورورک (۳؍ وکٹ)، اویس خان اور آیوش بدونی (۲؍ وکٹ) کی شاندار گیند بازی کی بدولت لکھنؤ سپر جائنٹس نے انڈین پری ایل آئی پی لیگ کے جمعرات کو۶۵؍ ویں میچ میں گجرات ٹائٹنس کو۳۵؍ رن سے شکست دے دی۔ 
گجرات ٹائٹنس کے کپتان شبھمن گل نے ٹاس جیت کر لکھنؤ سپر جائنٹس کو پہلے بلے بازی کی دعوت دی۔ پہلے بلے بازی کرنے آئے ایڈن مارکرم اور مشیل مارش کی اوپننگ جوڑی نے لکھنؤ سپر جائنٹس کیلئے  اچھی شروعات کی اور پہلے وکٹ کیلئے ۹۱؍ رن جوڑے۔۱۰؍ویں اوور میں سائی کشور نے مارکرم (۲۴؍ گیندوں پر۳۶؍رن) کو آؤٹ کرتے ہوئے گجرات کو پہلی کامیابی دلائی۔ 
اس کے بعد تیسرے بلے باز نکولس پورن بلے بازی کیلئے آئے اور مشیل مارش کے ساتھ دوسرے  وکٹ کیلئے۱۲۱؍ رن کی شراکت قائم کی۔ ان دونوں بلے بازوں نے گجرات ٹائٹنس کے گیند بازوں کو مشکل  میں ڈال دیا۔۱۹؍ویں اوور کی دوسری گیند پر ارشد خان نے سنچری میکر مشیل مارش کو آؤٹ کر کے پویلین بھیج دیا۔ مشیل مارش نے۶۴؍ گیندوں پر۱۰؍ چوکوں اور ۸؍ چھکوں کی مدد سے۱۱۷؍ رن بنائے۔ لکھنؤ سپر جائنٹس نے آئی پی ایل میں تیسرا سب سے بڑا اسکور بنایا اور اپنے مقررہ۲۰؍ اوورس میں۲؍ وکٹ کے نقصان پر۲۳۵؍ رن بنائے۔ نکولس پورن نے ۲۷؍ گیندوں پر ۵؍ چھکوں اور ۴؍ چوکوں کی مدد سے ناٹ آؤٹ۵۶؍ رن بنائے۔ کپتان رشبھ پنت (۱۶؍رن) ۶؍ گیندوں پر ناٹ آؤٹ رہے۔ 
۲۳۶؍ رن کے ہدف کے تعاقب میں گجرات ٹائٹنز کے اوپنرز سائی سدرشن اور شبھمن گل نے پہلے  وکٹ کیلئے۴۶؍ رن جوڑے۔ ۵؍ویں اوور میں ولیم اوورک نے۱۶؍ گیندوں پر سائی سدرشن (۲۱؍رن) کو آؤٹ کر کے شراکت کا خاتمہ کیا۔ ۸؍ویں  اوور میں اویس خان نے تیز رفتار اسکور کرنے والے کپتان شبھمن گل کو آؤٹ کرکے لکھنؤ کو دوسری کامیابی دلائی۔ گل نے۲۰؍ گیندوں پر۷؍ چوکوں کی مدد سے  ۳۵؍ رن بنائے۔ گجرات کا تیسرا وکٹ۱۰؍ویں اوور میں گرا جب جوس بٹلر  ۱۸؍ گیندوں پر ۳۳؍رن بناکر رن ​​آؤٹ ہوئے۔ انہیں آکاش سنگھ نے بولڈ آؤٹ کیا۔ اس کے بعد شرفن رُدرفورڈ اور شاہ رخ خان نے شاندار بلے بازی کا مظاہرہ کیا اور چوتھے وکٹ کیلئے  ۸۶؍ رن جوڑے۔ گجرات نے اس وقت آسان جیت کی امیدیں گنوا دیں جب ولیم اوورک نے ۱۷؍ ویں اوور کی پہلی گیند پر شرفن ردرفورڈ کو آؤٹ کر دیا۔  ۱۹؍ویں اوور میں اویس خان نے شاہ رخ خان کو آؤٹ کر کے گجرات کی میچ جیتنے کی امیدوں کو خاک میں ملا دیا۔ شاہ رخ خان نے۲۹؍ گیندوں پر۳؍ چھکوں اور ۵؍ چوکوں کی مدد سے۵۷؍ رن بنائے۔ گجرات ٹائٹنس مقررہ۲۰؍ اوورس میں ۹؍ وکٹ پر ۲۰۲؍ رن ہی بنا سکی اور۳۳؍ رن سے میچ ہار گئی۔  لکھنؤ سپر جائنٹس کی جانب سے ولیم  نے ۳؍ وکٹ حاصل کئے۔ آیوش بدونی اور اویس خان نے ۲۔۲؍ وکٹ لئے۔