ہندوستان کے ایتھلیٹ نیرج چوپڑا نے ڈائمنڈ لیگ فائنل۲۰۲۵ء کے مردوں کے جیولن تھرو مقابلے میں۰۱ء۸۵؍ میٹر کے تھرو کے ساتھ دوسرا مقام حاصل کیا۔

ہندوستان کے ایتھلیٹ نیرج چوپڑا نے ڈائمنڈ لیگ فائنل۲۰۲۵ء کے مردوں کے جیولن تھرو مقابلے میں۰۱ء۸۵؍ میٹر کے تھرو کے ساتھ دوسرا مقام حاصل کیا۔ اس کے ساتھ ہی جرمنی کے جولین ویبر نے۵۱ء۹۱؍ میٹر کے تھرو کے ساتھ خطاب  اپنے نام کیا۔

India’s golden arm answers, @Neeraj_chopra1 takes on the #DiamondLeagueFinal in Zurich, Switzerland 💪🏅

The reigning world champion will be looking to reclaim his DL title, which he last won in 2022🔥#IndianAthletics #AFI #NeerajChopra pic.twitter.com/n65CwDehAr

— Athletics Federation of India (@afiindia) August 28, 2025

لیٹزیگرنڈ اسٹیڈیم میں منعقدہ مقابلے میں ہندوستان کے نیرج چوپڑا نے مقابلے کا آغاز اچھا کیا اور پہلی کوشش میں۳۵ء۸۴؍ میٹر پھینکا۔ تاہم درمیانی تین کوششوں میں مسلسل فاؤل کی وجہ سے وہ پیچھے رہ گئے۔ پانچواں تھرو بھی ناکام رہا لیکن نیرج نے چھٹی اور آخری کوشش میں شاندار واپسی کی اور۰۱ء۸۵؍ میٹر کا فاصلہ ریکارڈ کیا اور دوسرے نمبر پر رہے۔ یہ تھرو انہیں کیشورن والکوٹ سے آگے لے گیا، جو ۹۵ء۸۴؍ میٹر کے ساتھ تیسرے نمبر پر رہے۔

World lead for Weber!

Julian Weber wins the javelin with a monster PB of 91.51m.

That`s the furthest throw ever at a #DLFinal💎 #ZurichDL🇨🇭 #DiamondLeague
📷 @chiaramontesan2 pic.twitter.com/pLHpb6pDa1

— Wanda Diamond League (@Diamond_League) August 28, 2025

جرمنی کے ویبر نے اپنی دوسری کوشش میں۵۱ء۹۱؍ میٹر کا تھرو پھینکا۔ کوئی اور ایتھلیٹ یہ فاصلہ عبور کرنے میں کامیاب نہ ہو سکا اور ویبر نے نیا ذاتی بہترین اور عالمی برتری کا ریکارڈ بنا کر خطاب جیت لیا۔مقابلے کے دیگر دعویدار گریناڈا کے اینڈرسن پیٹرز۰۶ء۸۲؍ میٹر کے ساتھ چوتھے، کینیا کے جولیس یگو۰۱ء۸۲؍ میٹر کے ساتھ پانچویں،۸۱ء۸۱؍ میٹر کے ساتھ چھٹے نمبر پر مالدووا کے ایڈرین مارڈار اور۲۹ء۸۱؍ میٹر (ذاتی بہترین) کے ساتھ ساتویں نمبر پر سوئزرلینڈ کے سائمن ویلینڈ تھے۔