نیوزی لینڈ نے زمبابوے کے خلاف آئندہ ہوم سیریز کے لیے۱۵؍ رکنی ویمن اسکواڈ کا اعلان کر دیا ہے۔ اسٹار آل راؤنڈر میلی کیر کو ٹیم کی قیادت سونپی گئی ہے، جبکہ سلیکٹرز نے مستقبل کی منصوبہ بندی کرتے ہوئے کئی تجربہ کار کھلاڑیوں کو آرام دے کر نئے چہروں کو موقع دیا ہے۔

نیوزی لینڈ نے زمبابوے کے خلاف آئندہ ہوم سیریز کے لیے۱۵؍ رکنی ویمن اسکواڈ کا اعلان کر دیا ہے۔ اسٹار آل راؤنڈر میلی کیر کو ٹیم کی قیادت سونپی گئی ہے، جبکہ سلیکٹرز نے مستقبل کی منصوبہ بندی کرتے ہوئے کئی تجربہ کار کھلاڑیوں کو آرام دے کر نئے چہروں کو موقع دیا ہے۔
۲۵؍ فروری سے ہیملٹن میں شروع ہونے والی ۶؍ میچوں پر مشتمل سیریز (۳؍ٹی ۲۰؍ اور۳؍ ون ڈے) کے لیے پہلی بار نینسی پٹیل اور کیلی نائٹ کو طلب کیا گیا ہے۔ حیران کن طور پر، تجربہ کار اوپنر سوزی بیٹس، مایہ ناز اسپنر ایڈن کارسن اور سابق کپتان سوفی ڈیوائن اس اسکواڈ کا حصہ نہیں ہیں۔
ٹیم کے انتخاب پر تبصرہ کرتے ہوئے کوچ بین سائر نے کہاکہ ’’نینسی اور کیلی نے گزشتہ ڈیڑھ سال کے دوران شاندار کارکردگی دکھائی ہے، انہیں موقع ملنا خوش آئند ہے۔ ایڈن کارسن کی عدم موجودگی میں نینسی پٹیل کو فرنٹ لائن اسپن آپشن کے طور پر استعمال کیا جائے گا، جبکہ کیلی نائٹ ایک بہترین سیمر کے طور پر ابھری ہیں جو بین الاقوامی سطح پر اپنی صلاحیتیں آزمانے کے لیے تیار ہیں۔‘‘

First squad for new Captain Melie Kerr!

Northern Brave duo Nensi Patel and Kayley Knight earn selection for their potential international debuts 🙌

The first T20I v Zimbabwe Women starts Wednesday 25 Feb in Hamilton!#NZvZIM pic.twitter.com/7YBwpGiFrn

— WHITE FERNS (@WHITE_FERNS) February 19, 2026

نیوزی لینڈ ویمن اسکواڈ: میلی کیر (کپتان)، فلورا ڈیون شائر، ایزی گیج، میڈی گرین، بروک ہالیڈے، بری ایلنگ، پولی انگلس (صرف ٹی ۲۰)، جیس کیر، کیلی نائٹ (صرف ٹی ۲۰)، ایما میکلوڈ (صرف ون ڈے)، روزمیری میئر، نینسی پٹیل، مولی پین فولڈ (صرف ون ڈے)، جارجیا پلمر اور ایزی شارپ۔ یہ سیریز ۲۵؍ فروری سے شروع ہوگی جس میں تینوں فارمیٹس کے درمیان توازن برقرار رکھنے کی کوشش کی گئی ہے۔

یہ بھی پڑھئے:ہرمن پریت کا عالمی ریکارڈ: سب سے زیادہ انٹرنیشنل میچ کھیلنے والی خاتون کرکٹر بنیں

پاکستان کو کیسے ہرا نا ہے، ہم جانتے ہیں: مارک چیپمین
 ٹی  ۲۰؍ ورلڈ کپ ۲۰۲۶ء کے سپر ایٹ مرحلے کے اہم ترین میچ سے قبل نیوزی لینڈ کے کرکٹر مارک چیپمین نے کولمبو میں میڈیا سے گفتگو کی۔ انہوں نے پاکستان کے خلاف اپنی ٹیم کی تیاریوں اور کنڈیشنز کے حوالے سے کیوی ٹیم کا موقف بیان کیا۔ مارک چیپمین نے کہا کہ حالیہ عرصے میں نیوزی لینڈ نے سب سے زیادہ کرکٹ پاکستان کے خلاف کھیلی ہے۔ اس لیے ہمیں ان کے کھلاڑیوں اور حکمت عملی کا بخوبی اندازہ ہے اور ہم جانتے ہیں کہ ان کے خلاف کیا پلاننگ کرنی ہے۔ انہوں نے واضح کیا کہ جنوبی ایشیا (سری لنکا) میں کنڈیشنز ایسی ہیں جہاں ٹاس کا کردار بہت اہم ہو جاتا ہے۔ تاہم، ان کا کہنا تھا کہ کیوی کھلاڑیوں کو یہاں کھیلنے کا اچھا تجربہ ہے اور وہ پچز سے واقف ہیں۔

یہ بھی پڑھئے:ہندوستانی سنیما کیلئے ’’کے پوپ‘‘ اور ’’اینیمی‘‘ جیسا فین بیس بنانا چاہتا ہوں: راجہ مولی

چیپمین کے مطابق ان کنڈیشنز میں اسپنرز بہت اہم ہوں گے۔ انہوں نے خاص طور پر پاکستانی  اسپنر عثمان طارق کے منفرد بولنگ ایکشن کا ذکر کیا اور کہا کہ پاکستان کے پاس ہمیشہ اچھے اسپنرز ہوتے ہیں جن کے خلاف شاٹس پلان کر کے کھیلنا ہوں گے۔ انہوں نے بتایا کہ مچل سینٹنر میچ کے لیے پرجوش ہیں جبکہ فاسٹ بولر لوکی فرگوسن نے دوبارہ ٹیم کو جوائن کر لیا ہے، تاہم ان کی پلیئنگ الیون میں شمولیت کا فیصلہ ابھی باقی ہے۔