زمبابوے کے خلاف پاور پلے میں لڑکھڑانے کے باوجود افغانستان نے تاریخی کارکردگی کا مظاہرہ کرتے ہوئے ٹی۲۰؍ سیریز میں شاندار واپسی کی۔ اسی مقابلے میں افغانستان کے اسٹار اسپن گیندباز راشد خان بین الاقوامی ٹی۲۰؍ کرکٹ میں ۲۰۰؍وکٹیں لینے والے دنیا کے پہلے گیندباز بن گئے۔

زمبابوے کے خلاف پاور پلے میں لڑکھڑانے کے باوجود افغانستان نے تاریخی کارکردگی کا مظاہرہ کرتے ہوئے ٹی۲۰؍ سیریز میں شاندار واپسی کی۔ اسی مقابلے میں افغانستان کے اسٹار اسپن گیندباز راشد خان بین الاقوامی ٹی۲۰؍ کرکٹ میں ۲۰۰؍وکٹیں لینے والے دنیا کے پہلے گیندباز بن گئے۔ راشد نے اپنے ۱۲۰؍ویں بین الاقوامی ٹی۲۰؍مقابلے میں یہ تاریخی کارنامہ انجام دیا۔ ان کے بعد اس فہرست میں انگلینڈ کے عادل رشید ہیں، جنہوں نے۱۵۳؍ میچوں میں  ۱۷۱؍ وکٹیں حاصل کی ہیں۔

𝐇𝐈𝐒𝐓𝐎𝐑𝐘 𝐂𝐑𝐄𝐀𝐓𝐄𝐃 𝐈𝐍 𝐒𝐇𝐀𝐑𝐉𝐀𝐇! 🤯 @rashidkhan_19 becomes the first-ever bowler to claim 200 wickets in T20I cricket! 👑 He reached this incredible milestone in his 120th innings, boasting an astonishing average of 13.96 and an economy rate of 6.13. His record also includes two five-wicket hauls, with best figures of 5/3! #AfghanAtalan | #AFGvZIM | #GloriousNationVictoriousTeam

— Afghanistan Cricket Board (@ACBofficials) October 29, 2026

یہ بھی پڑھئے:زیوریو۲؍ نومبر کو عالمی نمبر ایک بن جائیں گے

راشد کی اس کامیابی سے پہلے افغانستان نے بلے بازی میں شاندار واپسی کی۔ پہلے بلے بازی کرتے ہوئے افغانستان کی ٹیم پاور پلے میں صرف چار رنز پر پانچ وکٹیں گنوا کر مشکلات میں گھِر گئی تھی، جبکہ نویں اوور میں اس کا پانچواں وکٹ بھی گر گیا۔ اس کے بعد عظمت اللہ عمرزئی نے ۱۱۶؍ اور اعجاز احمدزئی نے ۵۲؍ رنز کی شاندار اننگز کھیل کر اننگز کو سنبھالا۔ دونوں نے ۱۴۲؍ رنز کی شراکت داری کی، جو ٹی۲۰؍ کرکٹ میں چھٹے یا اس سے نچلے صف کی وکٹ کے لیے اب تک کی سب سے بڑی شراکت ہے۔

یہ بھی پڑھئے:’’مرزا پور: دی مووی‘‘ او ٹی ٹی پر ریلیز، شائقین کے لیے توسیع شدہ ورژن بھی پیش

آئی سی سی کے مطابق عمرزئی نے اپنی پہلی ٹی۲۰؍ سنچری بنائی اور وہ اس فارمیٹ میں افغانستان کے لیے سنچری بنانے والے چوتھے بلے باز بن گئے۔ ان کی اننگز میں ۱۲؍چھکے اور پانچ چوکے شامل تھے۔ افغانستان نے مقررہ ۲۰؍اوور میں سات وکٹ پر  ۲۲۱؍ رنز بنائے۔ یہ پہلا موقع ہے جب کسی ٹیم نے ٹی۲۰؍میچ میں ابتدائی چار وکٹیں ۲۰؍ سے کم رنز پر گنوانے کے باوجود ۲۰۰؍ سے زیادہ رنز بنائے ہیں۔ یہ ٹی۲۰؍ میں افغانستان کا تیسرا سب سے بڑا اسکور بھی ہے۔
 ۲۲۱؍ رنز کے ہدف کا تعاقب کرتے ہوئے زمبابوے کی ٹیم ابتدا ہی سے دباؤ میں رہی۔ درمیان میں ۸۵؍ رنز پر پانچ وکٹیں گنوانے کے باوجود اس نے آخری ۱۰؍ اوور میں مزاحمت جاری رکھی۔ کپتان سکندر رضا نے اپنی دوسری ٹی۲۰؍ سنچری بنا کر ٹیم کو سنبھالنے کی کوشش کی۔ انہوں نے پانچ چوکے اور نو چھکے لگائے، لیکن افغانستان نے آخرکار کامیابی حاصل کرلی اور تین میچوں کی سیریز میں ایسی برتری حاصل کرلی جسے اب زمبابوے ختم نہیں کرسکتا۔