انگلینڈ ٹیسٹ ٹیم کے کپتان جو روٹ نے کہا ہے کہ انہیں لگتا ہے کہ کورونا وائرس کی وجہ سے پیدا بحران اور سیزن پر مرتب ہونے والے اس کے اثرات کے سبب انگلینڈ کرکٹ بورڈ (ای سی بی) کھلاڑیوں کی تنخواہ میں تخفیف کرسکتا ہے۔

انگلینڈ ٹیسٹ ٹیم کے کپتان جو روٹ نے کہا ہے کہ انہیں لگتا ہے کہ کورونا وائرس کی وجہ سے پیدا بحران اور سیزن پر مرتب ہونے والے اس کے  اثرات کے سبب انگلینڈ کرکٹ بورڈ (ای سی بی) کھلاڑیوں کی تنخواہ میں تخفیف کرسکتا ہے۔
 انگلینڈ میں کورونا وائرس کی وجہ سے۲۸؍ مئی تک تمام کرکٹ سرگرمیاں ٹھپ پڑی ہوئی  ہیں اور ایسے میں بورڈ کو اس کا نقصان اٹھانا پڑ سکتا ہے۔ روٹ کو لگتا ہے کہ کورونا کی وجہ سے سرگرمیاں ٹھپ ہونے سے مرکزی معاہدے میں شامل کھلاڑیوں کی تنخواہ میں کمی کی جا سکتی ہے۔ روٹ نے کہا کہ مجھے لگتا ہے آنے والے ہفتے میں اس پر بحث کی جائے گی لیکن یہ بات چیت ای سی بی اور پی سی اے کے درمیان ہوگی۔ اگرچہ جب تک اس پر کوئی بات نہیں ہوتی میں اس پر توجہ نہیں دے رہا ہوں۔ انہوں نے کہا کہ ہماری توجہ صرف خود کو فٹ رکھنے پر ہے اور ہم جلد ہی کرکٹ کے میدان پرلوٹنا چاہتے ہیں۔