پاکستان نژاد کھلاڑی نے ٹی۔ ۲۰؍کرکٹ کا دوسرا سب سے بڑا انفرادی اسکور بنا ڈالا۔

پاکستان کے پشاور میں پیدا ہونے والے روانڈا کے بلے باز حمزہ خان نے اتوار کو آئی سی سی مینز ٹی۔ ۲۰؍ ورلڈ کپ افریقہ سب ریجنل کوالیفائر میں آئیوری کوسٹ کے خلاف ناقابل شکست ۱۶۴؍ رن بنا کر مردوں کی ٹی۔ ۲۰؍ تاریخ کی سب سے نمایاں اننگز میں سے ایک کھیلی۔ دائیں ہاتھ کے بلے باز ن۲۵۲ء۳۰؍ کے اسٹرائیک ریٹ سے صرف ۶۵؍ گیندوں پر ۹؍ چوکوں اور ۱۵؍ چھکوں کی مدد سے ناقابل شکست اننگز کھیلی۔ ان کے ۱۵؍ چھکے کسی ایک ٹی۔ ۲۰؍ اننگز میں مشترکہ طور پر چوتھے سب سے زیادہ چھکے ہیں۔ 

یہ بھی پڑھئے: جوفرا آرچر پرپل کیپ کی دوڑ میں شامل، سدرشن نے اورنج کیپ لی

پشاور میں پیدا ہونے والے کھلاڑی کی ۱۶۴؍ رنوں کی اننگز مردوں ک ٹی۔ ۲۰؍ انٹرنیشنل مقابلوں میں ۲۰۱۸ءمیں زمبابوے کے خلاف آسٹریلیا کیلئے ایرون فنچ کے ۱۷۲؍ رنوں کے بعد دوسرا سب سے بڑا انفرادی اسکور ہے۔ حمزہ خان نے ۲۰۱۹ء میں آئرلینڈ کے خلاف افغانستان کیلئے حضرت اللہ زئی کے ناٹ آؤٹ ۱۶۲؍ رنوں کا ریکارڈ توڑا اور روانڈا کو ۲؍ وکٹوں پر ۲۸۸؍رن بنانے میں مدد کی۔ روانڈا کا ٹوٹل مردوں کی ٹی۔ ۲۰؍تاریخ میں ساتواں سب سے بڑاٹوٹل ہے۔ انہوں نے اس سے قبل افتتاحی میچ میں کیمرون کے خلاف ناقابل شکست ۶۰؍ رن بنائے تھے۔ آئیوری کوسٹ ٹی۔ ۲۰؍ میں مشترکہ پانچویں سب سے کم مجموعی ۱۷؍رنوں پر آؤٹ ہو گئی۔ روانڈا کی ۲۷۱؍رنوں کی فتح مردوں کے ٹی۔ ۲۰؍میں تیسری سب سے زیادہ جیتنے والا مارجن ہے۔