جونیئر این ٹی آر اور پرشانت نیل کا انتہائی متوقع پروجیکٹ، جو فی الحال’’ڈریگن‘‘ کے نام سے جانا جا رہا ہے، تیزی سے آگے بڑھ رہا ہے۔ کاسٹنگ میں ایک اہم تبدیلی سامنے آئی ہے، جس کے تحت شاہد کپور کو اب مرکزی ویلن کے کردار کے لیے زیرِ غور لایا جا رہا ہے۔

جونیئر این ٹی آر اور پرشانت نیل کا انتہائی متوقع پروجیکٹ، جو فی الحال’’ڈریگن‘‘ کے نام سے جانا جا رہا ہے، تیزی سے آگے بڑھ رہا ہے۔ تازہ رپورٹس کے مطابق کاسٹنگ میں ایک اہم تبدیلی سامنے آئی ہے، جس کے تحت شاہد کپور کو اب مرکزی ویلن کے کردار کے لیے زیرِ غور لایا جا رہا ہے  اور وہ ممکنہ طور پر تووینو تھامس کی جگہ لے سکتے ہیں۔
  شاہد کپور، جونیئر این ٹی آر کی’ڈریگن‘میں تووینو تھامس کی جگہ؟
ٹیلیگو چترالو کی ایک رپورٹ کے مطابق، شاہد کپور اور این ٹی آر نیل  ٹیم کے درمیان فعال مذاکرات جاری ہیں، جن سے اشارہ ملتا ہے کہ وہ فلم میں مرکزی مخالف (اینٹی ہیرو/ویلن) کا کردار ادا کر سکتے ہیں۔ یہ پیشرفت اس وقت سامنے آئی ہے جب تووینو تھامس کے پروجیکٹ سے علیحدہ ہونے کی خبریں سامنے آئیں، تاہم ابھی تک شاہد کی کاسٹنگ کی باضابطہ تصدیق نہیں ہوئی۔ اس سے پہلے تووینو تھامس سے توقع کی جا رہی تھی کہ وہ فلم میں ایک اہم کردار ادا کریں گے، لیکن اداکار نے حال ہی میں بتایا کہ وہ ملیالم پروجیکٹس کی مصروفیات کے باعث شیڈولنگ کنفلیکٹس کی وجہ سے اس فلم سے باہر ہو گئے ہیں۔

یہ بھی پڑھئے:مانچسٹر سٹی کی چیلسی پر جیت: پریمیئر لیگ خطاب کی جنگ فیصلہ کن مرحلے میں داخل

یہ پروجیکٹ، جسے ’ڈریگن‘بھی کہا جا رہا ہے، ابتدائی طور پر۲۵؍ جون ۲۰۲۶ء کو ریلیز کے لیے طے تھا  تاہم اب یہ شیڈول غیر یقینی دکھائی دیتا ہے کیونکہ میکرز نے ابھی تک نئی تاریخ کا اعلان نہیں کیا۔ اگرچہ مکمل کاسٹ ابھی خفیہ رکھی گئی ہے، لیکن توقع ہے کہ رکمنی واسنت مرکزی خاتون کردار ادا کریں گی  جبکہ انل کپور ایک اہم کردار میں نظر آ سکتے ہیں۔

یہ بھی پڑھئے:فاتح چنئی کے سامنے کولکاتا کا سخت امتحان؛ پہلی کامیابی کے لیے کے کے آر بے چین

 جونیئر این ٹی آر اور شاہد کپور کا ورک فرنٹ
جونیئر این ٹی آر آخری بار فلم ’’وار۲‘‘ میں منفی کردار میں نظر آئے تھے، جس میں ان کے ساتھ  رتیک  روشن بھی تھے۔ یہ فلم، جس کی ہدایت کاری آیان مکھرجی نے کی تھی’’وار‘‘ کا سیکوئل ہے اوروائی آر ایف اسپائی یونیورس کا حصہ ہے۔ اس کی کاسٹ میں کیارا اڈوانی، انل کپور اور ورون بڈولا سمیت دیگر اداکار شامل تھے اور یہ اس وقت نیٹ فلکس پر اسٹریمنگ کے لیے دستیاب ہے۔