شائی ہوپ (ناٹ آؤٹ ۱۱۶؍رن ) کی شاندار سنچری اور جسٹن گریوز (ناٹ آؤٹ ۵۳؍رن) کی ذمہ دارانہ نصف سنچری کی بدولت ویسٹ انڈیز نے نیوزی لینڈ کے دیئے گئے۵۳۱؍ رنز کے ہدف کے جواب میں پہلے ٹیسٹ کے چوتھے دن کے اختتام پر اپنی دوسری اننگز میں چار وکٹ پر ۲۱۲؍ رنز بنا لیے۔

شائی ہوپ (ناٹ آؤٹ ۱۱۶؍رن ) کی شاندار سنچری اور جسٹن گریوز (ناٹ آؤٹ ۵۳؍رن) کی ذمہ دارانہ نصف سنچری کی بدولت ویسٹ انڈیز نے نیوزی لینڈ کے  دیئے گئے۵۳۱؍ رنز کے ہدف کے جواب میں پہلے ٹیسٹ کے چوتھے دن کے اختتام پر اپنی دوسری اننگز میں چار وکٹ پر ۲۱۲؍ رنز بنا لیے۔

A big day of mahi in the field. All to play for tomorrow morning here at Hagley Oval 💪#NZvWIN | 📸 @PhotosportNZ pic.twitter.com/YByFalSKhq

— BLACKCAPS (@BLACKCAPS) December 5, 2025

آج نیوزی لینڈ نے اپنی کل کی نامکمل اننگز۴؍وکٹ پر ۴۱۷؍رن  سے آگے کھیلنا شروع کیا۔ صبح کے سیشن میں سب سے پہلا نقصان ول یَنگ (۲۳؍رن) کے طور پر ہوا جنہیں جیڈن سیلز نے آؤٹ کیا۔ اس کے بعد مائیکل بریسویل (۲۴)، میٹ ہینری (۱۱) اور جیکب ڈفی (۸)  جلد آؤٹ ہوئے۔۱۰۹؍ویں اوور میں جیکب ڈفی کے آؤٹ ہوتے ہی نیوزی لینڈ نے اپنی اننگز۸؍وکٹ پر ۴۶۶؍رن  پر ڈکلیئر کردی، جس کے ساتھ ہی ویسٹ انڈیز کے سامنے ۵۳۱؍ رنز کا بڑا ہدف رکھا گیا۔
ویسٹ انڈیز کی جانب سے کیمر روچ نے شاندار گیندبازی کرتے ہوئے ۷۸؍ رنز دے کر ۵؍ وکٹیں حاصل کیں۔ اوجئے شیلڈز کو دو وکٹیں ملیں جبکہ جیڈن سیلز نے ایک کھلاڑی کو آؤٹ کیا۔

یہ بھی پڑھئے:لندن: ڈی ڈی ایل جے کے ۳۰؍ سال مکمل، شاہ رخ خان اور کاجول نے اپنے کانسہ کے مجسمے کی نقاب کشائی کی

اس کے بعد دوسری اننگز میں بلے بازی کیلئے اُتری ویسٹ انڈیز کی شروعات خراب رہی اور اس نے ایک کے بعد ایک اپنے چار وکٹ ۷۲؍رن کے اسکور تک گنوا  دیئے۔ ویسٹ انڈیز کا پہلا وکٹ جان کیمپ بیل  (۱۵) کی شکل میں گرا جنہیں جیکب ڈفی نے آؤٹ کیا۔ تِیج نارائن چندرپال (۶) کو بھی ڈفی نے پویلین کی راہ دکھائی۔۲۴؍ویں اوور میں مائیکل بریسویل نے ایلک ایتھنیز (۵) کو آؤٹ کرکے واپس بھیجا۔ کپتان راسٹن چیز (۴) چوتھے وکٹ کے طور پر آؤٹ ہوئے۔ ایسے بحران کے وقت شائی ہوپ اور جسٹن گریوز کی جوڑی نے نہ صرف ذمہ دارانہ بلے بازی کا مظاہرہ کرتے ہوئے اننگز کو سنبھالا بلکہ تیزی سے رنز بھی جوڑے۔

یہ بھی پڑھئے:امریکہ نے وینزویلا کے لیے سطح۴؍ کا انتباہ جاری کیا،اپنے شہریوں کو نکلنے کی ہدایت

اسٹمز کے وقت ویسٹ انڈیز نے چار وکٹ پر۲۱۲؍ رنز بنا لیے تھے اور اسے ابھی میچ جیتنے کے لیے۳۱۹؍ رنز کی ضرورت ہے۔ شائی ہوپ (ناٹ آؤٹ ۱۱۶؍رن) اور جسٹن گریوز (ناٹ آؤٹ ۵۳؍رن) کریز پر موجود تھے۔ نیوزی لینڈ کی طرف سے جیکب ڈفی نے دو وکٹ لیے، جبکہ میٹ ہینری اور مائیکل بریسویل نے ایک ایک کھلاڑی کو آؤٹ کیا۔