اٹلی کے اسٹار ٹینس کھلاڑی یانک سنر نے سنسناٹی اوپن ۲۰۲۶ءسے اپنا نام واپس لے لیا ہے۔ دنیا کے نمبر وَن کھلاڑی نے وِمبلڈن خطاب کا دفاع کرنے سے پہلے، سیزن کے پہلے حصے میں تمام پانچ ماسٹرز خطابات (جو گرینڈ سلیم سے ٹھیک نیچے کے سطح کا مردوں کا ٹینس ٹورنامنٹ ہے) جیتے تھے۔

اٹلی کے اسٹار ٹینس کھلاڑی یانک سنر نے سنسناٹی اوپن  ۲۰۲۶ءسے اپنا نام واپس لے لیا ہے۔ دنیا کے نمبر وَن  کھلاڑی نے وِمبلڈن خطاب کا دفاع کرنے سے پہلے، سیزن کے پہلے حصے میں تمام پانچ ماسٹرز خطابات (جو گرینڈ سلیم سے ٹھیک نیچے کے سطح کا مردوں کا ٹینس ٹورنامنٹ ہے) جیتے تھے۔ لیکن کنیڈا اوپن چھوڑنے کے بعد، وہ سنسناٹی میں بھی نہیں کھیل پائیں گے۔

یہ بھی پڑھئے:اللو ارجن نے وائزاگ میں اے اے اے سنیماز لانچ کردیا

سنر نے اتوار کو ایک بیان میں کہا’’اپنے معالجین اور اپنی ٹیم سے مشورہ کرنے کے بعد، مجھے یہ اعلان کرنا پڑ رہا ہے کہ مجھے سنسناٹی میں ہونے والے ماسٹرز۱۰۰۰؍ ٹورنامنٹ سے اپنا نام واپس لینا ہوگا۔ میرے دائیں گھٹنے میں تکلیف ہو رہی ہے اور بھلے ہی ہم اپنی میڈیکل ٹیم کے ساتھ سخت محنت کر رہے ہیں، مجھے یہ قبول کرنا ہوگا کہ میں ابھی کھیلنے کے لیے تیار نہیں ہوں۔‘‘ انہوں نے کہا’’سنسناٹی میں نہ کھیل پانے کی وجہ سے میں بہت مایوس ہوں اور باب (موران) اور ان کی پوری ٹیم کو ایک شاندار اور کامیاب مقابلے کے لیے نیک خواہشات پیش کرتا ہوں۔ میں اگلے سال واپس آنے کا بے صبری سے انتظار کر رہا ہوں اور اب یو ایس اوپن کی تیاری پر توجہ دے رہا ہوں۔‘‘
۲۴؍ سالہ اس کھلاڑی نے وِمبلڈن کے بعد سے کوئی میچ نہیں کھیلا ہے اور وہ یو ایس اوپن (جو ۳۰؍ اگست سے۱۳؍ ستمبر ۲۰۲۶ءتک ہوگا) میں بغیر نارتھ امریکن ہارڈ کورٹ سوئنگ کے کسی بھی ہارڈ کورٹ ماسٹرز ۱۰۰۰؍ ٹورنامنٹ میں کھیلے بغیر ہی حصہ لیں گے۔
کارلوس الکاراز کی صورتحال بھی کچھ ویسی ہی ہے۔ اپریل میں کلائی کی چوٹ کی وجہ سے دنیا کے نمبر ۲؍ کھلاڑی تب سے کھیل سے دور ہیں اور یہ اسپینی کھلاڑی مونٹریال یا سنسناٹی میں کھیلنے کے لیے تیار نہیں تھے۔ یو ایس اوپن سے پہلے واحد ٹورنامنٹ ونسٹن سیلم اوپن ہے، جو ایک اے ٹی پی ۲۵۰؍ مقابلہ ہے۔ اس میں سنر یا الکاراز میں سے کوئی بھی کھیلنے والا نہیں ہے، لیکن وہ وائلڈ کارڈ کے لیے درخواست کر سکتے ہیں۔

یہ بھی پڑھئے:جنوبی کوریا کے خلاف سمیت ناگل اور یوکی بھامبری ہندوستانی چیلنج سنبھالیں گے

 اوہائیو میں مردوں کے ٹینس کے نئے دو بڑے کھلاڑی موجود نہیں ہوں گے، لیکن اولمپک چیمپئن نوواک جوکووچ اس میں حصہ لے رہے ہیں۔ انہوں نے اس سیزن میں پانچ ماسٹرز ۱۰۰۰؍ ٹورنامنٹس میں سے صرف دو میں ہی کھیلا ہے اور سرفہرست تین سیڈز میں سے ایک کے طور پر امریکہ جائیں گے۔ واضح رہے کہ سنسناٹی اوپن ۱۳؍ سے ۲۳؍ اگست تک کھیلا جائے گا جو یو ایس اوپن کے مین ڈرا سے ایک ہفتے پہلے اور اس بڑے ٹورنامنٹ کی مکسڈ ڈبلز چیمپئن شپ سے ایک دن پہلے ختم ہوگا۔