ہندوستانی گیندبازو ںکی جدوجہد کے بعد ٹیم انڈیا نے ۱۷؍رن سے میچ جیت لیا۔ وراٹ کوہلی نے ریکارڈ سنچری بنائی۔ روہت شرما اور کے ایل راہل نے بھی نصف سنچری بنائی۔

وراٹ کوہلی (۱۳۵؍رن) کی شاندار سنچری اور روہت شرما (۵۷؍رن) اور کے ایل راہل (۶۰؍رن ) کی نصف سنچریوں کی بدولت  ہندوستان  نے اتوار کو جنوبی افریقہ کے خلاف پہلے ایک روزہ میچ میں پہلے بلے بازی کرتے ہوئے ۸؍ وکٹوں کے نقصان پر۳۴۹؍ رنز کا بڑا اسکور کھڑا کیا۔ ہندوستانی گیند بازوں نے جدوجہد کرتے ہوئے  جنوبی افریقہ کو ۴۹ء۲؍  ۳۳۲؍ رن پر سمیٹ دیا ۔ اس طرح ہندوستان نے ۱۷؍رن سے میچ جیت لیا اور ون ڈےسیریز میں ۰۔۱؍ سے برتری حاصل کرلی۔ جنوبی افریقہ کی جانب سے بریٹز نے سب سے زیادہ ۷۲؍ رن بنائے۔ مارکو جینسن نے ۷۰؍ رن کا تعاون دیا۔ بوش نے آخری  وقت میں اچھا کھیلتے ہوئے ۶۷؍رن بنائے۔ کلدیپ یادو نے سب سے زیادہ ۴؍ وکٹ لئے۔ ہرشیت رانا  ۳؍ وکٹ لینے میں کامیاب رہے۔ 
اس سے قبل وراٹ کوہلی (۱۳۵؍رن) کی شاندار سنچری اور روہت شرما (۵۷؍رن) اور کے ایل راہل (۶۰؍رن ) کی نصف سنچریوں کی بدولت  ہندوستان  نے اتوار کو جنوبی افریقہ کے خلاف پہلے ایک روزہ میچ میں پہلے بلے بازی کرتے ہوئے ۸؍ وکٹوں کے نقصان پر۳۴۹؍ رنز کا بڑا اسکور کھڑا کیا۔ 
وراٹ نے ۱۲۰؍ گیندوں پر۱۱؍چوکوں اور ۷؍ چھکوں کی مدد سے ۱۳۵؍ رنز کی زبردست اننگز کھیلی، جو ان کی ۵۲؍ویں ون ڈے سنچری تھی۔ انہوں نے روہت شرما کے ساتھ دوسرے  وکٹ کے لیے ۱۳۶؍ رنز کی شراکت کی۔ روہت نے ۵۱؍ گیندوں پر ۵۷؍ رنز بنائے، جس میں ۵؍ چوکے اور ۳؍ چھکے شامل تھے۔ ان تین چھکوں کے ساتھ ہی روہت نے پاکستان کے شاہد آفریدی کو پیچھے چھوڑتے ہوئے ون ڈے میں نئے  سِکسرکِنگ  کا اعزاز حاصل کرلیا۔ قائم مقام کپتان راہل نے۵۶؍ گیندوں پر دو چوکے اور تین چھکوں کی مدد سے ۶۰؍ رنز کی اننگز کھیلی۔
اتوار کو  یہاں جنوبی افریقہ نے ٹاس جیت کر پہلے گیند بازی کا فیصلہ کیا۔ بلے بازی کرنے آئی  ہندوستانی ٹیم کو چوتھے اوور میں یشسوی جیسوال (۱۸) کی صورت میں پہلا جھٹکا لگا۔ اس کے بعد آنے والے وراٹ کوہلی نے جنوبی افریقی بولرز کے خلاف جارحانہ رویہ اختیار کیا۔ اس دوران۱۸؍ویں اوور کی دوسری گیند پر کوہلی نے چھکا لگا کر اپنی نصف سنچری مکمل کی۔ کوربن بوش کی اگلی گیند پر انہوں نے ایک اور چھکا جڑ دیا۔ اس کے بعد روہت شرما نے ۱۹؍ویں اوور کی پانچویں گیند پر ایک رن لے کر اپنی نصف سنچری مکمل کی۔ روہت نصف سنچری مکمل کرنے کے بعد ۲۲؍ ویں اوور میں ٹیم کے۱۶۱؍رن  کے اسکور پر آؤٹ ہوئے۔

یہ بھی پڑھئے:اُروشی روتیلا دھرمیندر کو یاد کرتے ہوئے جذباتی ہو گئیں:’’کچھ درد کو دبایا نہیں جا سکتا۔‘‘

ہندوستان کا تیسری وکٹ رتو راج گائیکواڑ (۸) کی صورت میں گرا۔ واشنگٹن سندر ۱۳؍ رنز بنا کر آؤٹ ہوئے۔ ان دونوں بلے بازوں کو اوٹنئیل بارٹمین نے آؤٹ کیا۔ ۳۸؍ویں اوور کی پانچویں گیند پر چوکا لگا کر اپنی ۵۲؍ویں سنچری مکمل کرنے کے بعد وراٹ مزید جارح ہو گئے۔ کوہلی نے ۱۰۲؍ گیندوں میں ۷؍ چوکوں اور ۵؍ چھکوں کی مدد سے اپنی سنچری مکمل کی۔ پری نیلان سبرائن کے ۳۹؍ویں اوور میں وراٹ نے دو چھکے اور دو چوکے لگاتے ہوئے ۲۱؍ رنز حاصل کیے۔ ۴۳؍ویں اوور میں نانڈرے برگر کی گیند پر رائن ریکلٹن نے وراٹ کوہلی کا کیچ پکڑا۔ وراٹ کوہلی نے۱۲۰؍ گیندوں میں۱۱؍ چوکوں اور ۷؍ چھکوں کی مدد سے ۱۳۵؍ رنز کی اننگز کھیلی۔

یہ بھی پڑھئے:گایتری-ٹریسا نے ڈبلز خطاب برقرار رکھا، سری کانت فائنل میں ہارے

ہندوستان  کے چھٹا وکٹ ۴۹؍ویں اوور میں کپتان کے ایل راہل کے طور پر گرا۔ کے ایل راہل نے ۵۶؍ گیندوں میں دو چوکے اور تین چھکوں کی مدد سے ۶۰؍ رنز بنائے۔ آخری اوور میں رویندر جڈیجا ۲۰؍ گیندوں پر ۳۲؍ رنز بنا کر آؤٹ ہوئے۔ جڈیجا نے دو چوکے اور ایک چھکا لگایا۔  ہندوستان نے مقررہ ۵۰؍ اوورس میں ۸؍ وکٹوں پر ۳۴۹؍ رنز بنائے۔جنوبی افریقہ کے لیے کاربن بوش، نانڈرے برگر، مارکو جینسن  اور اوٹنئیل بارٹمین نے دو دو وکٹ حاصل کئے۔