یوئیفا چمپئن لیگ کے فائنل میں پیرس اور میلان کے فٹبال کلب مد مقابل۔

یوئیفا چمپئن لیگ کے فائنل میں سنیچر کی دیر رات پیر س سینٹ جرمین فٹبال کلب (پی ایس جی ) اور انٹر میلان فٹبال کلب کے درمیان دلچسپ مقابلہ متوقع ہے۔ دونوں کلب ایک دوسرے کو شکست دے کر خطاب جیتنے کیلئے پوری طاقت لگادیں گے۔ اس میچ میں پی ایس جی کا پلڑا بھاری رہنے کی امید ہے کیونکہ اس نے لیگ وَن کا خطاب جیتاہے۔ 
  خیال رہے کہ سیمی فائنل کے دوسرے مرحلے میں۱۔۲؍ گول سے کامیابی حاصل کی تھی، پہلے ٹائٹل سے ایک قدم دور پی ایس جی نے آرسنل کو ہرا کر دوسری بار فائنل میں رسائی کی تھی، پہلے ٹائٹل کے لئے اسے انٹر میلان کا سامنا کرنا ہوگا۔  پی ایس جی کی ٹیم ۲۰۲۰ء میں پہلی بار فائنل میں پہنچی جب بائرن میونخ کے ہاتھوں اسے شکست کا سامنا کرناپڑا تھا۔  انٹر میلان کی ٹیم ۶؍ بار فائنل میں پہنچی ہے، اس لئے ان دونوں میں زبردست مقابلہ متوقع ہے۔ ان دونوں کے پاس اچھے کھلاڑی موجود ہیں۔