فلم ’’او رومیو‘‘ بڑے پردے پر ناظرین کے درمیان بحث کا موضوع بن چکی ہے۔ فلم میں شاہد کپور اپنے منفرد اور تیز انداز سے متاثر کرتے ہیں جبکہ ترپتی ڈمری اپنی شاندار اداکاری سے سب کو حیران کر دیتی ہیں۔

فلم ’’او رومیو‘‘ بڑے پردے پر ناظرین کے درمیان بحث کا موضوع بن چکی ہے۔ فلم میں شاہد کپور اپنے منفرد اور تیز انداز سے متاثر کرتے ہیں جبکہ ترپتی ڈمری اپنی شاندار اداکاری سے سب کو حیران کر دیتی ہیں۔افشاں کے کردار میں ترپتی اپنی اب تک کی نرم و نازک شبیہ سے باہر نکلتی نظر آتی ہیں۔ وہ نزاکت اور مضبوطی کا خوبصورت توازن پیش کرتی ہیں۔ شوہر کے قتل کے بعد انتقام کی آگ میں جلتی ہوئی ایک بیوہ سے لیڈی ہٹ مین بننے تک کا ان کا سفر پُرسکون، باوقار مگر نہایت مؤثر ہے۔
یہ شاہد کپور اور ترپتی ڈمری کی پہلی فلم ہے لیکن ان کی جوڑی کہیں سے بھی نئی محسوس نہیں ہوتی۔ دونوں کے درمیان ہم آہنگی فطری اور مضبوط لگتی ہے۔ہدایتکار وشال بھردواج نے ترپتی کے کردار کو پوری مضبوطی کے ساتھ پیش کیا ہے۔ ’’او رومیو‘‘ ترپتی کے اداکاری کیریئر میں ایک اور اہم اور یادگار فلم ثابت ہوتی ہے۔ فلم میں اویناش تیواری، وکرانت میسی، تمنّا بھاٹیا، نانا پاٹیکر اور فریدہ جلال بھی اہم کرداروں میں نظر آتے ہیں۔ فلم سنیما گھروں میں نمائش کے لیے پیش کی جا چکی ہے۔
گرداس مان نے ممبئی میں ایک خصوصی رات کے لیے کنسرٹ کا اعلان کیا 
ممبئی کے شہریوں کو ایک شاندار موسیقی کی شام کا انتظار ہے کیونکہ مشہور پنجابی گلوکار گرداس مان ۲۱؍ مارچ کو شہر میں پرفارم کرنے والے ہیں۔انتظار کیے جانے والے اس کنسرٹ کی پروڈکشن اور پروموشن ایوا لائیو کرے گی، اور یہ نیسکو سینٹر میں منعقد ہوگا۔

یہ بھی پڑھئے:تجربات کا آئینہ ہیں انوبھو سنہا کی فلمیں: تاپسی پنو

اپنے جوش کا اظہار کرتے ہوئے، گرداس مان نے کہا کہ وہ ممبئی کے سامعین کے ساتھ اپنے گہرے تعلق کو محسوس کرتے ہیں۔میں خوش قسمت رہا ہوں کہ میں نے ممبئی اور ملک کے دیگر حصوں میں کئی بار پرفارم کیا، اور ہر شو میں بے پناہ محبت اور گرمجوشی رہی۔ تاہم، آنے والا یہ پروگرام خاص اہمیت رکھتا ہے۔ یہ بڑے پیمانے پر، شاندار پروڈکشن کے ساتھ، بالکل نئی لائیو تجربے کے لیے ترتیب دیا گیا ہے-ایسا جو سامعین نے پہلے کبھی نہیں دیکھا۔ یہ کنسرٹ ایک سلسلے کی شروعات ہے، جس کے مزید شو جلد اعلان کیے جائیں گے۔‘‘

یہ بھی پڑھئے:ٹی ۲۰؍ ورلڈ کپ: متحدہ عرب امارات کی کنیڈا پر سنسنی خیز فتح

ایوا لائیو کے بانی اور منیجنگ ڈائریکٹر دیپک چودھری نے اس ایونٹ کی انفرادیت پر زور دیتے ہوئے کہا کہ گورداس مان اس وقت ایک بڑے عالمی ٹور پر ہیں، اور انہیں صرف ایک رات کے لیے ممبئی لانا ایک شعوری فیصلہ تھا تاکہ اس کی انفرادیت اور جذباتی اہمیت برقرار رہے۔ کوئی دوسرا دن نہیں ہوگا، جو اس شام کو اور بھی خاص بنا دیتا ہے۔ یہ رات  کلاسک موسیقی کی لازوال طاقت کا جشن ہوگی۔