میں بارہویں اور ڈپلوما کامیاب ہوں۔ میں گورنمنٹ پرائیویٹ جابز کے مواقع جاننا چاہتا ہوں۔ 

ڈپلوما کامیاب امید وارکیلئے ملازمت کے مواقع؟
سوال: میں بارہویں اور ڈپلوما کامیاب ہوں۔ میں گورنمنٹ پرائیویٹ جابز کے مواقع جاننا چاہتا ہوں۔ 
جواب: ڈپلوما اِن انجینئرنگ کی بنیاد پر آپ کئی جگہ ملازمت کیلئے درخواست دے سکتے ہیں ۔ آپ کا ڈپلوما کس شعبے میں ہے اس بنیاد پر آپ متعلقہ کمپنیوں میں ملازمت کیلئے جائیں۔ آج بھی ڈپلوما ہولڈر س کے کئی مواقع ہیں ۔ آپ ہر سنیچر کو شائع ہونے والا سرکاری اخبار ’روزگار سماچار‘  کا مطالعہ شروع کریں جس میں سرکاری ملازمتوں کےبھر پور اشتہار ہوتے ہیں۔ اسی طرح کئی جاب پورٹلس ہیں جن سے آپ کو نوکریوں اور ملازمتوں کی معلومات ملے گی۔ آپ کوشش کریں کے فاصلاتی طرز سے کسی اوپن یونیورسٹی سے گریجویشن میں داخلہ لے لیں اور گریجویشن بھی مکمل کر لیں۔
ایم ایس سی بایو انفارمیٹک کیسے کریں ؟
سوال: میں ابھی بی ایس سی بایو ٹیکنالوجی کررہا ہوں ، مجھے ایم ایس سی بایو انفارمیٹک سے کرنا ہے ، اس کیلئے مجھے کون سی چیز پر زیادہ دھیان دینا ہوگا۔ 
جواب: آپ بایو ٹیکنالوجی کے اپنے شعبے میں تھیوری اور پریکٹیکل دونوں پر زیادہ دھیان دیں۔ اسی طرح کمپیوٹر کی معلومات میں کمپیوٹر پروگرامنگ، ویب ڈیزائننگ ، الگورتھم ، ڈیٹا بیس اور مشین لرننگ ان سب پر مہارت حاصل کرنے کی کوشش کریں ۔n