شملہ مرچ وٹامن سی اور دیگر غذائی اجزاء سے بھرپور ہوتی ہے لیکن مانسون میں اس کا استعمال مناسب نہیں سمجھا جاتا۔

پتوں والی سبزیاں 
پتوں والی سبزیوں میں پالک، سرسوں اور دھنیا جیسی سبزیاں شامل ہیں۔ مانسون کے دوران مٹی اور جراثیم آسانی سے ان سبزیوں پر چپک جاتے ہیں جس سے پیٹ سے متعلق مسائل پیدا ہوسکتے ہیں۔ نمی کی وجہ سے ان میں فنگس اور بیکٹیریا تیزی سے بڑھتے ہیں جو انفیکشن کا باعث بن سکتے ہیں۔ 
شملہ مرچ
شملہ مرچ وٹامن سی اور دیگر غذائی اجزاء سے بھرپور ہوتی ہے لیکن مانسون میں اس کا استعمال مناسب نہیں سمجھا جاتا۔ شملہ مرچ میں جراثیم اور بیکٹیریا تیزی سے بڑھتے ہیں جو انفیکشن کا سبب بن سکتے ہیں۔ اس کے علاوہ اس کی بیرونی سطح پر کیڑے مار ادویات کی موجودگی بھی ہوتی ہے جو دھونے کے بعد بھی پوری طرح سے نہیں ہٹتی۔ یہ پیٹ کے مسائل اور دیگرمسائل کا سبب بن سکتا ہے۔ 
بیگن
بیگن غذائیت سے بھرپور سبزی ہے لیکن مانسون کے دوران اس کا استعمال نقصان دہ ہو سکتا ہے۔ بیگن میں نمی اور بیکٹیریا کی زیادہ موجودگی ہوتی ہےجو پیٹ میں درد، قے اور اسہال جیسے مسائل کا سبب بن سکتی ہے۔ مزید برآں، بیگن میں ٹھنڈک کی نوعیت ہوتی ہے جو مانسون کے پہلے ہی ٹھنڈے موسم میں صحت کیلئے نقصان دہ ہو سکتی ہے۔ 
گوبھی اوربند گوبھی
گوبھی اور بند گوبھی مانسون کے دوران آسانی سے متاثر ہو سکتے ہیں۔ ان میں چھوٹے کیڑے اور بیکٹیریا چھپ سکتے ہیں۔ مزید یہ کہ ان سبزیوں کو پکنے میں وقت لگتا ہے اور اگر اسے صحیح طریقے سے نہ پکایا جائے تو یہ صحت کے مسائل پیدا کر سکتی ہیں۔