انٹر نیٹ آج سب کی ضرورت بن گیا ہے۔ اسی کی وجہ سے زیادہ تر کام انجام پاتے ہیں۔ بعض دفعہ کسی وجہ سے انٹرنیٹ دستیاب نہیں ہو پاتا یا موبائل یا کمپیوٹر پر انٹرنیٹ کنکشن کٹ جاتا ہے۔

انٹر نیٹ آج سب کی ضرورت بن گیا ہے۔ اسی کی وجہ سے زیادہ تر کام انجام پاتے ہیں۔ بعض دفعہ کسی وجہ سے انٹرنیٹ دستیاب نہیں ہو پاتا یا موبائل یا کمپیوٹر پر انٹرنیٹ کنکشن کٹ جاتا ہے۔ کیا آپ نے کبھی سوچا کہ موبائل یا کمپیوٹر پر انٹر نیٹ کی عدم موجودگی میں اگر آپ گوگل کروم براؤزر پر کوئی ویب سائٹ کھولنے کی کوشش کرتے ہیں تو ایک خاص پیغام ظاہر ہوتا ہے جس میں ایک چھوٹا سا ڈائنوسار (ٹی ریکس) بھی نظر آتا ہے جو ایک گیم ہے۔ایسا کیوں ہوتا ہے؟
 اس گیم کا نام کیا ہے؟
 اسے ’’ڈینو گیم‘‘ (Dino Game) یا ’’کروم ڈینو‘‘کہتے ہیں۔ یہ گیم اسپیس بار دبانے سے شروع ہوتا ہے۔
صارف کا دھیان ہٹانے کیلئے 
 جب انٹرنیٹ نہیں ہوتا تو لوگ اکتاہٹ کا شکار ہوجاتے ہیںیا پریشان ہو جاتے ہیں۔ گوگل نے اس صورتحال میں صارف کا دھیان ہٹانے اور انہیں مصروف رکھنے کیلئے یہ سادہ سا گیم فراہم کیا تاکہ انتظار کے دوران کچھ تفریح ہو جائے۔
 پروڈکٹ ڈیزائن کا نتیجہ
 گوگل کی ٹیم نے یہ گیم ۲۰۱۴ء میں متعارف کروایا تھا۔ ان کا مقصد تھا کہ جب صارف کو’’نو انٹرنیٹ ‘‘ کا پیغام ملے تو یہ صرف ایک خشک اور مایوس کن پیغام نہ ہو بلکہ ایک دلچسپ تجربہ ہو۔ 
آف لائن فعالیت کی مثال
 یہ گیم مکمل طور پر براؤزر میں لوکل لیول پر چلتا ہے یعنی اس کیلئے انٹرنیٹ کی ضرورت نہیں۔ اس سے یہ ظاہر ہوتا ہے کہ بعض اپلی کیشنز یا فیچرز انٹرنیٹ کے بغیر بھی کام کر سکتے ہیں، جو ایک تکنیکی پہلو بھی ہے۔
یوزر ایکسپیریئنس کو بہتر بنانا
 یہ گیم ایک بہترین مثال ہے کہ کس طرح ٹیکنالوجی میں’’Gamification‘‘ یعنی کھیل جیسے عناصر شامل کر کے صارف کا تجربہ بہتر بنایا جا سکتا ہے۔
’’ایسٹر ایگ‘‘ کا تصور
 یہ گیم دراصل ایک Easter Egg ہے یعنی ایک چھپا ہوا فیچر جو عام حالات میں نظر نہیں آتا۔ یہ تکنیکی دنیا میں تخلیقی صلاحیت اور مزاح کی علامت سمجھا جاتا ہے۔
’’ڈینو گیم‘‘ کے متعلق دلچسپ حقائق
اس گیم میں ’’ٹی ریکس‘‘(ڈائنو سار کی ایک قدیم نسل)کو اس لئے منتخب کیا گیا کیونکہ وہ ’’پرانے زمانے‘‘ کی علامت ہے جیسے کہ بغیر انٹرنیٹ کے وقت کی۔
اس گیم کی کوئی اختتامی حد نہیں ہے لیکن کچھ لوگ لاکھوں کا اسکور کر چکے ہیں۔
اسے آن لائن بھی کھیل سکتے ہیں۔