ہدایتکار آنند ایل رائے نے اپنی فلم ’’رکشا بندھن‘‘ کی ناکامی کے بعد اس مشکل دور کو یاد کیا۔ انہوں نے اعتراف کیا کہ انہوں نے اپنے کہانی سنانے کے انداز میں اعتماد گنوا دیا اور سامعین کی ترجیحات کا اندازہ لگانا شروع کر دیا، جس کی وجہ سے فلم ناکام ہوئی۔ رائے نے ناکامی کی ذمہ داری قبول کی۔

آنند ایل رائے کی فلم ’تیرے عشق میں‘ باکس آفس پر اچھی کارکردگی دکھا رہی ہے۔ فلم میں دھنش اور کریتی سینن مرکزی کردار ادا کر رہے ہیں۔ دریں اثنا، ڈائریکٹر نے ایک ایسے وقت کے بارے میں بات کی جب وہ اپنے کمزور ترین دور سے گزر رہے تھے اور اپنی اندرونی آواز کو پہچان نہیں پا رہے تھے۔یہ فلم  ۲۰۲۲ء میں ریلیز ہوئی تھی۔آنند ایل رائے اپنی فلم ’’رکھشا بندھن‘‘ کی ناکامی کے بعد سخت مایوس تھے۔
 فلمساز نے اعتراف کیا کہ اکشے کمار کی اداکاری والی فلم ’’رکشا بندھن‘‘ ایک  غلطی تھی۔ میں  نے اپنی کہانی سنانے کے انداز میں اعتماد کھو دیا  اور   اس کی قیمت ادا کی۔۲۰۲۲ءمیں ریلیز ہوئی  فلم  شائقین  سے جڑنے میں ناکام رہی، جس نے ہندوستانی سنیما گھروں میں محض۶۳ء۴۸؍ کروڑ  کمائے۔ اکشے کمار جیسے اداکار کی فلم کے لیے یہ توقعات سے بہت کم تھی۔

یہ بھی پڑھئے:میسی کی ممبئی آمد، ورلی سی لنک کو سجایا گیا، لوکل ٹرینوں میں شائقین کی بھیڑ

گلاٹا پلس سے اس بارے میں بات کرتے ہوئے، آنند ایل رائے نے کہا کہ ’’رکشابندھن‘‘ ان کی زندگی کا ایک اہم موڑ تھا، جہاں انہوں نے اپنی اندرونی آواز سننے کے بجائے شائقین کے ذوق کا اندازہ لگانا شروع کیا۔ڈائریکٹر کو شدید مایوسی ہوئی۔ انہوں نے کہا کہ ’’میں وہاں مکمل طور پر ناکام ہو گیا۔ میرے پورے فلم سازی کریئر میں یہ پہلا موقع تھا جب میں نے محسوس کیا کہ ایک مخصوص سامعین اس قسم کی کہانی چاہتے ہیں  اور یہ کہ ہم اچھی کہانیاں نہیں سنا رہے ہیں۔ میں کبھی فیصلہ نہیں کرتا، میں فلمیں بناتا ہوں۔ اگر مجھے کہانی پسند ہے تو میں بناتا ہوں۔ رکشا بندھن وہ واحد فلم تھی جہاں میں نے اپنے ناظرین کو حقیقی معنوں میں آزمایا۔‘‘

یہ بھی پڑھئے:ہندوستان اے آئی مسابقت میں تیسرے نمبر پر

ڈائریکٹر نے اپنی غلطی کی وجہ کیا بتائی؟
آنند ایل رائے نے رکشا بندھن کی ناکامی کی ذمہ داری قبول کرلی اور انہیں  خود ہی ذمہ دار ٹھہرایا۔ انہوں نے کہا کہ ’’مسئلہ اسکرپٹ کا نہیں تھا، مسئلہ ہدایتکار اور ان سے وابستہ توقعات کا تھا۔ اگر آپ مجھ سے پوچھیں تو کیا میں نے فلم بنانے کے عمل سے لطف اندوز ہوا؟ میں نے اکشے کے ساتھ بہت مزہ کیا، وہ بالکل فطری تھے، وہ مکمل یقین کے ساتھ اداکاری کر رہے تھے، لیکن شاید ہدایت کار کا دل اس میں مطابقت نہیں رکھتا تھا، کسی طرح میں نے فلم کو بدل دیا۔‘‘