سنیل شیٹی کے بیٹے اہان شیٹی نے ۲۰۲۱ء میں شدید ایکشن رومانس فلم ’’تڑپ ‘‘ سے آغاز کیا، جو ساجد ناڈیاڈ والا نے پروڈیوس کی تھی۔ یہ فلم باکس آفس پر خاص کامیابی حاصل نہ کر سکی اور دنیا بھر میں صرف ۸۶ء۳۴؍کروڑ روپے کمائے۔

سنیل شیٹی کے بیٹے اہان شیٹی نے ۲۰۲۱ء میں شدید ایکشن رومانس فلم  ’’تڑپ ‘‘ سے آغاز کیا، جو ساجد ناڈیاڈ والا  نے پروڈیوس کی تھی۔ یہ فلم باکس آفس پر خاص کامیابی حاصل نہ کر سکی اور دنیا بھر میں صرف  ۸۶ء۳۴؍کروڑ روپے کمائے۔اس کے تین سال بعد، ساجد ناڈیاڈ والانے اہان  کی ایک اور فلم  سنکی کا اعلان کیا۔ تاہم، یہ فلم جلد ہی ملتوی کر دی گئی۔ اس کا مطلب یہ ہے کہ نئے اداکار تقریباً پانچ سال تک بغیر کام کے رہے، جب تک کہ ’’بارڈر۲‘‘ ریپبلک ڈے۲۰۲۶ء پر ریلیز نہ ہوئی اور بڑی کامیابی حاصل نہ کی۔
اب، ایک انٹرویو میں اہان  شیٹی نے ایک معاہدہ  کے تحت ’’پابند‘‘ رہنے کے بارے میں اور اس کے اعتماد پر اثرات کے بارے میں کھل کر بات کی ہے۔ مڈ  ڈے کے ساتھ ایک انٹرویو میں  اہان  شیٹی نے کہا کہ ’’تڑپ نے۴۰؍کروڑ روپے کمائے، ایسے وقت میں جب زیادہ تر فلمیں ۱۰؍ کروڑ بھی نہیں کما رہی تھیں۔ لوگوں نے کہا کہ فلم نے باکس آفس پر بہت خراب کارکردگی پیش کی  لیکن ہم نے منافع کمایا۔  اس دوران میرا اعتماد بہت کم تھا۔ میں ناڈیاڈ والا گرینڈ سنز انٹرٹینمنٹ کے ساتھ ایک معاہدہ میں بندھا ہوا تھا، لہٰذا مجھے ۴؍ سال تک کوئی دوسری فلم سائن کرنے کی اجازت نہیں تھی۔ بہت سے آفرس آئے، لیکن آپ کنٹریکٹ توڑ نہیں سکتے۔‘‘

یہ بھی پڑھئے:شکست کے باوجود جوکووچ نے میلبورن کے شائقین کے دل جیت لیے

انہوں نے پھر بتایا کہ  جے پی دتّا سر اور نِدھی دی دی گھر پر رات کے کھانے پر تھے۔ نِدھی دی دی نے مجھ سے پوچھا کہ کیا تم ’’بارڈر ۲‘‘ کا حصہ بننا چاہو گے؟ میں نے کہا کہ جب یہ ہوگا تب بات کریں گے۔ وہ ہنسیں اور بولیں، اہان ، یہ ابھی ہو رہا ہے۔  کچھ دنوں کے لیے میں مشکوک تھا  کیونکہ مجھے یقین نہیں آ رہا تھا کہ وہ ایک نئے اداکار کو اتنی بڑی فلم کا حصہ بنانا چاہتے ہیں۔ میں چار سال تک کچھ نہیں کر سکا اور اپنے ذہن میں کئی جنگیں لڑ رہا تھا۔ لہٰذا، فلم کا حصہ بننا میرے لیے بہت معنی رکھتا ہے۔‘‘ اداکار نے اب بالآخر ’’بارڈر ۲‘‘ کی بڑی کامیابی کے بعد تین نئی فلمیں سائن کی ہیں، جن میں سے ایک شدید ایکشن رومانس ہے جسے شاہد علی ڈائریکٹ کر رہے ہیں۔

یہ بھی پڑھئے:استاد امجد علی خان، امان اور ایان گریمی ایوارڈ۲۰۲۶ء جیتنے والے واحد ہندوستانی

انہوں نے کہاکہ یہ ایک شدید ایکشن لَو اسٹوری ہے، کچھ ایسا جس پر میں ’’تڑپ‘‘ کے بعد واپس آ رہا ہوں۔ مجھے ایسے شدید کردار پسند ہیں اور ان کی گہرائی بھی۔ انہوں نے مزید کہا کہ ’’  ہم مارچ-اپریل کے ارد گرد فلم بندی شروع کریں گے۔ لیکن فی الحال تاریخیں لچکدار ہیں۔ ہم اسکرپٹ اور موسیقی پر کام کر رہے ہیں۔ شاہد سر کو بالکل معلوم ہے کہ وہ کیا چاہتے ہیں۔ میں ان کے ساتھ کام کرنے کے لیے پرجوش ہوں کیونکہ ہم ایک دوسرے کو سمجھتے ہیں۔ مجھے یقین ہے کہ وہ مجھ سے بہترین کارکردگی حاصل کریں گے۔