ہندوستان اور ممبئی کے تجربہ کار بلے باز اجنکیا رہانے نے بین الاقوامی کرکٹ کے تمام فارمیٹس سے ریٹائرمنٹ کا اعلان کر دیا ہے۔رہانے نے سوشل میڈیا پلیٹ فارم انسٹاگرام پر ایک ویڈیو جاری کرتے ہوئے اپنے فیصلے کا اعلان کیا۔

 ہندوستان اور ممبئی کے تجربہ کار بلے باز اجنکیا رہانے نے بین الاقوامی کرکٹ کے تمام فارمیٹس سے ریٹائرمنٹ کا اعلان کر دیا ہے۔رہانے نے جمعرات کو سوشل میڈیا پلیٹ فارم انسٹاگرام پر ایک ویڈیو جاری کرتے ہوئے اپنے فیصلے کا اعلان کیا۔ انہوں نے کہا’’میں نے ہمیشہ اپنی بیٹنگ میں درست ٹائمنگ پر یقین رکھا ہے اور آج مجھے محسوس ہوتا ہے کہ بین الاقوامی کرکٹ اور اس کے تمام فارمیٹس کو خیرباد کہنے کا یہی مناسب وقت ہے۔ ڈومبیولی کے ایک چھوٹے سے علاقے کے لڑکے سے ہندوستانی ٹیم تک کے سفر میں، میں نے اس کھیل کو اپنا سب کچھ دیا۔ میری ہر اننگز اور ہر موقع کا صرف ایک ہی خواب تھا، ہندوستانی کیپ پہننا۔ میں نے ہمیشہ ملک اور ٹیم کو اپنی ذات پر فوقیت دی اور پوری ایمانداری کے ساتھ یہ کھیل کھیلا۔‘‘

An illustrious career comes to an end 🇮🇳

Thank you @ajinkyarahane88 for your immense contribution to Indian cricket and all the memories that will be cherished forever

Wishing you the very best in your next chapter #TeamIndia | #ThankYouAjinkya pic.twitter.com/Gbi7sIcgwS

— BCCI (@BCCI) July 30, 2026

انہوں نے مزید کہا کہ جب انہوں نے فرسٹ کلاس کرکٹ کا آغاز کیا تھا، اس وقت سے ہندوستانی کرکٹ نے غیر معمولی ترقی کی ہے اور گزشتہ ۲۰؍ برس اس سفر کا حصہ بننا ان کے لیے باعثِ فخر رہا۔ انہوں نے کہا کہ اگرچہ ہندوستانی کرکٹر کے طور پر ان کا باب ختم ہو گیا ہے، لیکن کرکٹ سے ان کا رشتہ برقرار رہے گا اور وہ نئی نسل کی رہنمائی کرتے ہوئے اپنے تجربات اور اقدار انہیں منتقل کرنا چاہتے ہیں۔

یہ بھی پڑھئے:’’تھیٹرس کو وقت دینےکی وجہ سے میں فلموں پر توجہ نہیں دے سکی ‘‘

رہانے نے ہندوستان کی جانب سے ۸۵؍ ٹیسٹ، ۹۰؍ ایک روزہ بین الاقوامی اور  ۲۰؍ ٹی۲۰؍ بین الاقوامی میچ کھیلے۔ ان کا آخری بین الاقوامی میچ جولائی  ۲۰۲۳ء میں ویسٹ انڈیز کے خلاف ٹیسٹ تھا۔ ان کے کریئر کی نمایاں کامیابیوں میں ۲۱۔۲۰۲۰ء کے آسٹریلیا دورے پر ہندوستان کو۱۔۲؍ سے تاریخی ٹیسٹ سیریز جتانا شامل ہے۔ ایڈیلیڈ ٹیسٹ میں ہندوستان کے صرف۳۶؍ رنز پر آل آؤٹ ہونے کے بعد رہانے کی قیادت میں ٹیم نے شاندار واپسی کرتے ہوئے سیریز اپنے نام کی تھی۔

یہ بھی پڑھئے:مَیں رتیک جیسا لگتا ہوں: کنگنا کے طنز پر سی جے پی ترجمان سوراو داس کا جواب

رہانے نے ۲۰۱۱ء سے ۲۰۲۳ء تک پھیلے اپنے ۱۲؍ سالہ بین الاقوامی کریئر میں ۸۵؍ٹیسٹ میچوں میں ۴۶ء۳۸؍ کی اوسط سے۵۰۷۷؍ رنز بنائے، جن میں ۱۲؍ سنچریاں شامل ہیں۔ ۹۰؍ ون ڈے میچوں میں انہوں نے ۲۶ء۳۵؍ کی اوسط سے ۲۹۶۲؍ رنز اسکور کیے، جن میں تین سنچریاں شامل رہیں، جبکہ ۲۰؍ ٹی۲۰؍ بین الاقوامی میچوں میں ۸۳ء۲۰؍ کی اوسط اور۲۹ء۱۱۳؍  کے اسٹرائیک ریٹ سے ۳۷۵؍ رنز بنائے۔ انہوں نے ہندوستان کی قیادت چھ ٹیسٹ میچوں میں کی، جن میں سے ٹیم نے چار میں کامیابی حاصل کی جبکہ دو میچ ڈرا رہے۔