بالی ووڈ کے کھلاڑی اکشے کمار ’دی اینڈ‘ سے ویب سیریز میں ڈیبیو کرنے جا رہے ہیں۔

بالی ووڈ کے کھلاڑی اکشے کمار ’دی اینڈ‘ سے ویب سیریز میں ڈیبیو کرنے جا رہے ہیں۔ اکشے کمار ایمیزون پرائم ویڈیو کی ویب سیریز دی اینڈ کے ساتھ اپنا ڈیبیو کرنے والے ہیں۔ اس سیریز کا پری پروڈکشن کا کام بھی مارچ/اپریل میں شروع ہوگا۔ فی الحال اسکرپٹ  فائنل کی جا رہی ہے۔    بتایا جا رہا ہے کہ فلم کی ٹیم نے اسکرپٹ پر کافی وقت لگایا ہے کیونکہ یہ ایک کامپلیکس سیٹ پر مبنی ہے جس میں مستقبل  کے بارے میں بھی دکھایا جائے گا۔ یہ سیریز   ایکشن سے بھرپور تھرلر ہونے والی  ہے، جس میں اکشے انسانوں کو بچانے کے لیے وقت کے ساتھ دوڑ  لگاتے ہوئے نظر آئیں گے۔ کہا جا رہا ہے کہ فلمساز۳؍ ڈائریکٹرس سے  بات چیت کر رہے ہیں۔ ان میں سے کوئی نہ کوئی  اس ویب سیریز کو ڈائریکٹ کرے گا۔ ہدایت کار وں میں ابھیشیک شرما، سپرن ورما اور انوراگ سنگھ کے نام شامل ہیں۔