یش راج فلمز کئی سپرہٹ فلمیں بنانے کیلئے مشہور ہے۔ حالیہ دنوں میں اسپائی یونیورس کے تحت جاسوسی کہانیوں پر فلمیں بنائی جارہی ہیں۔

یش راج فلمز کئی سپرہٹ فلمیں بنانے کیلئے مشہور ہے۔ حالیہ دنوں میں اسپائی یونیورس کے تحت جاسوسی کہانیوں پر فلمیں بنائی جارہی ہیں۔ اس سیریز کے تحت حالیہ فلم’ٹائیگر۳‘ ریلیز ہوئی ہے۔ اب یش راج فلمز نے اپنی اگلی فلم کا منصوبہ بنایا ہے جس میں عالیہ بھٹ اور شروری اہم کردار میں ہونگی۔ اس فلم کی ہدایت کاری کیلئے شیو رویل کو ذمہ داری سونپی گئی ہےشیو، جنہوں نے آدتیہ چوپڑہ کی بہت سی فلموں میں اسسٹنٹ ڈائریکٹر کے طور پر کام کیا ہے، نے حال ہی میں نیٹ فلکس پر ایک عالمی بلاک بسٹرویب سیریز’دی ریلوے مین‘ پیش کی۔ یہ پورے جنوبی ایشیا میں نمبر ون شو بن گیا اور عالمی چارٹ میں تیسری پوزیشن پرپہنچ گیا۔ آئندہ فلم کی بات کریں توعالیہ اور شروری اس فلم میں ’سپر ایجنٹس‘ کا کردار ادا کریں گی، فلم کی پروڈکشن۲۰۲۴ءمیں شروع ہوگی۔ آدتیہ چوپڑا کے ذریعہ تخلیق کردہ، اسپائی یونیورس کا آغاز ٹائیگر فرنچائز کے ساتھ ہوا، جس میں سلمان خان اور کترینہ کیف نے اداکاری کی۔ اس سیریز کا آغاز ’ایک تھا ٹائیگر‘(۲۰۱۲)سے ہوا۔ اس کے بعد’ٹائیگر زندہ ہے‘(۲۰۱۷ء) اور ریتک روشن کی اداکاری سے سجی فلم’وار(۲۰۱۹ء) آئی۔ اس کے بعد اسی سال شاہ رخ خان کی ’پٹھان‘ اور سلمان کی ٹائیگر ۳‘ ریلیز ہوئیں۔