دہلی کپیٹلس نے ممبئی انڈینس کو آئی پی ایل میں شکست دی۔ جیک فریزر نے ۲۷؍ گیندوں پر ۸۴؍ رن کی شاندار اننگز کھیلی

 دہلی کے ارون جیٹلی اسٹیڈیم میں آئی پی ایل۲۰۲۴ء کے ۴۳؍ویں میچ میں دہلی کیپٹلس نے ممبئی انڈینس کو۱۰؍ رن سے شکست دے دی۔ ٹاس ہارنے کے بعد پہلے بلے بازی کرتے ہوئے دہلی نے۴؍ وکٹوں کے نقصان پر ۲۵۷؍رن بنائے۔ جواب میں ممبئی کی شروعات سست رہی لیکن تلک ورما(۶۳؍رن) اور ہاردک پانڈیا (۴۶؍رن ) نے امید دلائی لیکن ٹیم ۹؍وکٹ پر ۲۴۷؍رن  کے اسکور کے ساتھ ہدف تک پہنچنے میں ناکام رہی۔ دہلی کی  جانب سے ۲۷؍ گیندوں پر۱۱؍ چوکوں اور۶؍ چھکوں کی مدد سے جیک فریزر-میک گرک ۸۴؍رن کی طوفانی اننگز کھیلی۔ 
پہلے بلے بازی کیلئے آنے والی دہلی کی ٹیم نے پہلے ہی اوور میں اپنا غصہ دکھایا جب لیوک ووڈ کو جیک نے ۳؍ چوکے اور ایک چھکا لگایا۔ انہوں نے دوسرے اوور میں آنے والے جسپریت بمراہ کو بھی نہیں بخشا اور پہلی گیند پر لانگ آن پر چھکا، دوسری گیند پر مڈ آن پر ایک چوکا اور مڈ وکٹ پر ایک چوکا سمیت ۱۸؍ رن بنائے۔ یہ بمراہ کا سب سے مہنگا اوور تھا، جو اس سیزن میں بہترین فارم میں نظر آ رہے تھے۔ تیسرے اوور میں، پوریل نے مڈ آف پر نووان تھشارا کو چوکا لگایا۔ اس کے بعد میک گرک نے   فائن لیگ اور سیدھے ۳؍ چوکے لگا کر رن ریٹ کو تیز رفتاری سے بڑھاتے رہے۔
انہوں نے تجربہ کار اسپنر پیوش چاؤلہ کے اگلے اوور میں چھکا لگایا اور اسی اوور میں اپنی نصف سنچری مکمل کی۔ جب ممبئی کے کپتان ہاردک پانڈیا پانچویں اوور کیلئے بولنگ کرنے آئے تو میدان میں `روہت روہت  کے نعرے گونجنے لگے۔ ہاردک، جو خراب فارم میں تھے، نے اپنے پہلے ہی اوور میں۲۰؍ رن   دیئے  اور میک گرک نے انہیں ۲؍ چھکے اور ۲؍ چوکے لگائے۔ بمراہ نے دباؤ کو کم کرنے کی کوشش کرتے ہوئے چھٹے اوور میں صرف ۳؍ رن دیئے۔ دہلی نے پاور پلے میں بغیر کسی نقصان کے۹۲؍ رن  بنائے۔ پوریل نے ۷؍ویں اوور میں ہاردک کو مشورہ دیا اور ۲؍ چوکوں اور ۲؍ چھکوں سمیت ۲۱؍ رن بنائے۔
یہ خطرناک شراکت آخر کار چاؤلہ نے ۸؍ویں اوور میں توڑی جب میک گرک نے محمد نبی کو ان کی گیند پر مڈ وکٹ پر کیچ دے دیا۔ پوریل بھی دسویں اوور میں نبی کا شکار بنے اور آگے کھیلنے کی کوشش میں ایشان کشن کی اسمارٹ اسٹمپنگ کی وجہ سے اپنا وکٹ گنوا بیٹھے۔ انہوں نے۲۷؍ گیندوں پر۳۶؍ رن  بنائے جس میں ۳؍ چوکے اور ایک چھکا شامل تھا۔ دونوں بلے بازوں کے آؤٹ ہونے کے بعد شائی ہوپ نے چارج سنبھال لیا اور اگلے اوور میں چاؤلہ کو لانگ آن پر چھکا لگا کر دباؤ کم کرنے کی کوشش کی۔ انہوں نے۱۲؍ ویں اوور میں نبی کو ۲؍ چھکے بھی  لگائے۔