بالی ووڈ اداکارعمران ہاشمی اس وقت اپنی حالیہ فلم ’’آوارہ پن ۲‘‘کی کامیابی سے لطف اندوز ہورہے ہیں اور اسی دوران انہوں نے اپنی اگلی فلم ’’گن ماسٹر جی ۹‘‘کی ریلیز تاریخ کا بھی اعلان کردیا ہے۔ ایکشن، رومانس اور ڈرامے سے بھرپور یہ فلم ۲۷؍ نومبر ۲۰۲۶ء کو سنیما گھروں میں ریلیز ہوگی۔

بالی ووڈ اداکارعمران ہاشمی  اس وقت اپنی حالیہ فلم ’’آوارہپن ۲‘‘ کی کامیابی سے لطف اندوز ہورہے ہیں  اور اسی دوران انہوں نے اپنی اگلی فلم ’’گن ماسٹر جی ۹‘‘کی ریلیز تاریخ کا بھی اعلان کردیا ہے۔ ایکشن، رومانس اور ڈرامے سے بھرپور یہ فلم ۲۷؍ نومبر ۲۰۲۶ء کو سنیما گھروں میں ریلیز ہوگی۔

یہ بھی پڑھئے:روٹ کو ٹیسٹ کپتان بنانے کا فیصلہ درست تھا، میں ان کی مکمل حمایت کروں گا: ہیری بروک

 عمران ہاشمی نے پیر کے روز سوشل میڈیا پلیٹ فارم  ایکس پر فلم کا ایک موشن پوسٹر  شیئر کرتے ہوئے ریلیز تاریخ کا اعلان کیا۔انہوں نے لکھا کہ ’’گن ماسٹر جی ۹‘‘۲۷؍ نومبر ۲۰۲۶ءکو بڑے پردے پر ایکشن کے ساتھ دھوم مچانے کے لیے تیار ہے، لیکن اس بار صرف گولیاں نہیں چلیں گی بلکہ رومانس، موسیقی اور ایکشن بھی شائقین کے دل جیتنے کے لیے موجود ہوں گے۔  فلم کے اعلان نے عمران ہاشمی کے مداحوں میں خاصی دلچسپی پیدا کردی ہے، خاص طور پر اس وقت جب ان کی فلم ’’آوارہ پن ۲‘‘ باکس آفس پر اچھی کارکردگی کا مظاہرہ کررہی ہے۔

#GunmaasterG9 is locked, loaded and ready to fire up the big screen on 27th November. And this time, it’s not just bullets firing. It’s romance, music and action coming to steal your heart.#G9 #Gunmaaster

Produced by @DeepakMukut #HunarMukut @sangeetaahir

Presented by… pic.twitter.com/PDS3of8H6Z

— Emraan Hashmi (@emraanhashmi) August 17, 2026

 ’’گن ماسٹر جی ۹‘‘ میں عمران ہاشمی کے ساتھ جینیلیا ڈی سوزا  اور اپارشکتی کھرانہ  بھی اہم کرداروں میں نظر آئیں گے۔فلم میں عمران ہاشمی  ایجنٹ  جی ۹؍ کا کردار ادا کر رہے ہیں جبکہ جینیلیا کے کردار اور اپارشکتی کھرانہ کے ویلن کردار کے بارے میں فی الحال زیادہ تفصیلات سامنے نہیں لائی گئی ہیں۔فلم کو ایک  نئے دور کی ایکشن ڈراما فلم  کے طور پر پیش کیا جارہا ہے، جس میں ایکشن، جذبات، موسیقی اور خاندانی تفریح کو یکجا کرنے کی کوشش کی گئی ہے۔

یہ بھی پڑھئے:دوسری سہ ماہی میں ہندوستان میں اسمارٹ فون کی ترسیل میں ۱۰؍ فیصد کمی واقع ہوئی

’’گن ماسٹر جی ۹‘‘کی ہدایت کاری  آدتیہ دت  نے کی ہے، جبکہ فلم کے پروڈیوسرز میں دیپک مکوٹ، ہنر مکوٹ اور سنگیتا آہیر  شامل ہیں۔ فلم کوسوہم راک اسٹار انٹرٹینمنٹ پرائیویٹ لمیٹڈ   پیش کررہا ہے۔ آدتیہ دت نے فلم کے بارے میں کہا کہ یہ ان کے کریئر کے سب سے مشکل لیکن دلچسپ منصوبوں میں سے ایک رہی ہے۔ ان کے مطابق کوشش کی گئی ہے کہ فلم کے ہر ایکشن سین، جذبات اور ہر فریم میں بھرپور اثر نظر آئے۔ ہیمیش ریشمیا کی موسیقی کے ساتھ عمران ہاشمی کی فلموں کی پرانی وابستگی بھی مداحوں کے لیے دلچسپی کا باعث ہے، اس لیے نئی فلم میں موسیقی کو خاص اہمیت دیے جانے کی توقع ہے۔’’گن ماسٹر جی ۹‘‘  صرف ایک روایتی ایکشن فلم نہیں ہوگی۔ فلم کے میکرز نے اسے  ایکشن، رومانس اور میوزک  کا امتزاج قرار دیا ہے۔ فلم کی کہانی اور عمران ہاشمی کے ایجنٹ جی ۹؍ کردار کی تفصیلات فی الحال راز میں رکھی گئی ہیں۔ ٹریلر یا مزید پروموشنل مواد سامنے آنے کے بعد کرداروں اور کہانی کے بارے میں زیادہ معلومات ملنے کی توقع ہے۔