بالی ووڈ کی سپر ہٹ فلم ’شعلے‘کےکردار’گبر سنگھ‘نےامجد خان کو فلم انڈسٹری میںمضبوط شناخت دلائی تھی۔امجد خان کی پیدائش۱۲؍ نومبر ۱۹۴۰ء کو ہوئی تھی۔ ان کو اداکاری وراثت میں ملی تھی۔ ان کے والد جینت فلم انڈسٹری میں ویلن رہ چکے تھے۔انہوں نےبطور اداکار اپنےکریئرکا آغاز ۱۹۵۷ء کی فلم ’اب دہلی دور نہیں‘سےکیا تھا ۔ اس فلم میں انہوں نے چائلڈ اسٹار کاکردار اداکیاتھا۔ ۱۹۶۵ءمیں اپنی ہوم پروڈکشن فلم’پتھر کے صنم‘کے ذریعے امجد خان بطور اداکاراپنے کیریئر کا آغاز کرنے والے تھے لیکن کسی وجہ سےفلم تیار نہ ہو سکی۔۷۰ءکی دہائی میں انہوں نے ممبئی سےاپنی کالج کی پڑھائی مکمل کرنے کے بعد بطوراداکار کام کرنے کے لیے فلم انڈسٹری کا رخ کیا اور۱۹۷۳ءمیںبطور اداکار انہوں نے فلم ’ہندوستان کی قسم‘سےاپنے کریئر کا آغاز کیا لیکن اس فلم سے سامعین کے  درمیان وہ شناخت نہیں بنا سکے۔ 

اسی دوران امجد کو تھیٹر میں اداکاری کرتے دیکھ کرا سکرپٹ رائٹرسلیم خان نے امجد سے شعلے میں گبر سنگھ کاکردار ادا کرنے کی پیشکش کی جسے انہوں نے قبول کر لیا۔ فلم’شعلے‘کی کامیابی سے امجد خان کے فلمی کریئرمیں زبردست تبدیلی آئی اور وہ منفی کردار کی دنیا کے بے تاج بادشاہ بن گئے۔ اس کے بعد انہوں نے کبھی پیچھے مڑ کر نہیں دیکھا اور اپنی بااثر اداکاری سے ناظرین کو مسحور نے لگے۔ ۱۸۷۷ء کی فلم’شطرنج کے کھلاڑی‘میں انہیں عظیم ڈائریکٹر ستیہ جیت رے کے ساتھ کام کرنے کا موقع ملا۔ اس فلم کے ذریعے بھی انہوں نے ناظرین کے دل جیت لئے۔ 

اپنی اداکاری میں یکسانیت سے بچنے کے لئے امجدخان نے خود کو کریکٹرایکٹر کے طور پیش کیا اور ۱۹۸۰ء میں ریلیز فیروز خان کی سپر ہٹ فلم ’قربانی‘ میں اپنی مزاحیہ اداکاری سے شائقین کی بھرپور ستائش حاصل کی۔ ۱۹۸۱ءمیںناظرین کو ان کی اداکاری کے نئےطول و عرض نظر آئے۔ پرکاش مہرا کی سپر ہٹ فلم ’لاوارث‘میں وہ امیتابھ کے والد کا کردار ادا کرنے سے بھی نہیں ہچکچائے۔ انہوں نے فلم’لاوارث‘ سےہلےکئی فلموں میں ویلن کا کردار نبھایا تھا۔۱۹۸۱ء میں جلوہ گر فلم’يارانہ‘میں انہوں نے سپر اسٹار امیتابھ بچن کے دوست کا کردار نبھایا اور ان پر فلمایا یہ نغمہ ’بشن چاچا کچھ گاؤ‘بچوں کے درمیان بہت مقبول ہوا۔ اسی فلم میں اپنی بااثر اداکاری کیلئے انہیں اپنے فلمی کریئر میں دوسری مرتبہ بہترین شریک فنکار کے فلم فیئر ایوارڈ سےبھی نوازا گیا۔ قبل ازیں۱۹۷۹ءمیںبھی انہیں فلم دادا کے لئے بہترین معاون اداکارکےفلم فیئر ایوارڈ سےنوازا گیا تھا۔اس کے علاوہ ۱۹۸۵ءمیں فلم ’ماں قسم‘ کے لیے امجد خان بہترین مزاحیہ اداکار کا فلم فیئر ایوارڈ بھی دیا گیا تھا۔ 

۹۰ءکی دہائی میں صحت خراب رہنے کی وجہ امجد خان نے فلموں میں کام کرنا کم کر دیاتھا۔ اپنی فلمی زندگی کے آخری دور میں وہ اپنے دوست امیتابھ کے ساتھ’لمبائی چوڑائی‘نام سے فلم بنانا چاہتے تھے لیکن ان کا یہ خواب نامکمل ہی رہ گیا۔ اپنی اداکاری سے تقریباً ۳؍دہائیوں تک ناظرین کا بھرپور انٹرٹنمنٹ کرنے والے عظیم اداکار امجدخان ۲۷؍جولائی ۱۹۹۲ءکو اس دنیا سے رخصت ہوگئے۔