دھرمیندر کی موت نے اس بڑی فلم کو روک دیا ہے، ہدایتکار نے اس کا سیکوئل بنانے سے انکار کر دیا ہے۔ لیجنڈری اداکار دھرمیندر کا گزشتہ پیر کو انتقال ہوگیا تھا۔ ان کے انتقال سے فلم انڈسٹری کو بڑا دھچکا لگا ہے۔ اب خبریں سامنے آ رہی ہیں کہ ان کی موت کی وجہ سے ایک مقبول فلم کا سیکوئل روک دیا گیا ہے۔

اداکار دھرمیندر کو ہندی سنیما کا فخر سمجھا جاتا تھا۔ ۶؍ دہائیوں پر محیط فلمی کریئر میں، دھرمیندر نے ۳۰۰؍ سے زیادہ فلموں میں نظر آئے، جن میں سے کچھ کو اب بھی کلٹ فلموں میں شمار کیا جاتا ہے۔ ۱۸؍ سال قبل سنیما گھروں میں ریلیز ہونے والی ایسی ہی ایک فلم نے شائقین کو خوب محظوظ کیا اور باکس آفس پر کامیاب ثابت ہوئی۔کافی عرصے سے دھرمیندر کی اس فلم کے سیکوئل کے بارے میں  چرچا تھی  تاہم اب ان کی موت کے بعد ہدایتکار نے فلم بنانے سے صاف انکار کر دیا ہے۔ آئیے جانتے ہیں کیا ہے پورا معاملہ۔
 فلم کا سیکوئل نہیں بنایا جائے گا
دھرمیندر کی موت کے بعد سے کئی فلمیں ادھوری رہ گئی ہیں، جب کہ دیگر ان کی موت کے بعد سنیما گھروں میں ریلیز کی جائیں گی۔ اس   میں جس فلم پر بات کی جا رہی ہے اس کا نام ہے اپنے ۲؍۔ ہندوستان ٹائمز سے بات چیت کرتے ہوئے فلم ’’اپنے ‘‘ کے ڈائریکٹر انیل شرما نے انکشاف کیا کہ اپنے کا سیکوئل نہیں بنایا جائے گا۔ انہوں نے کہاکہ ’’اپنے ہماری ہے، یہ فلم دھرم جی کے بغیر نہیں بن سکتی۔ وہ ہمیں ہمیشہ کے لیے چھوڑ کر چلے گئے۔ تمام تیاریاں تقریباً مکمل ہو چکی تھیں۔ کہانی بھی فائنل ہو چکی تھی  لیکن ان کے بغیر اس فلم کا سیکوئل بنانا ناممکن ہے۔ کچھ خواب ادھورا رہ جاتے ہیں۔ ان کے بغیر اپنے ۲؍ کبھی  نہیں بن  سکتی۔‘‘

یہ بھی پڑھئے:سندیپ ریڈی وانگا کی ’’اسپرٹ‘‘ میں رنبیر کپور مہمان اداکار کے طور پر نظر آسکتے ہیں

غدر ۲؍ کے ڈائریکٹر انیل شرما نے باضابطہ طور پر اس بات کی تصدیق کی ہے کہ اپنے ۲؍ کو شیلف کردیا گیا ہے۔ یہ بات قابل غور ہے کہ اپنے ۲۰۰۷ء میں سنیما گھروں میں ریلیز ہوئی تھی، جس میں باپ بیٹے کے رشتے کی منفرد کہانی کو دکھایا گیا تھا۔ دھرمیندر، سنی دیول اور بابی دیول کی اداکاری والی اس فلم کو شائقین کی جانب سے خوب پذیرائی ملی۔