چند دن پہلے ہم نے رپورٹ کیا تھا کہ سلمان خان پہلی بار فلم ساز وامشی پیڈی پلی کی آنے والی فلم میں نین تارا کے ساتھ اسکرین شیئر کرتے ہوئے نظر آ سکتے ہیں، جسے پروڈیوسر دل راجو پیش کر رہے ہیں۔

چند دن پہلے ہم نے رپورٹ کیا تھا کہ سلمان خان پہلی بار فلم ساز وامشی پیڈی پلی کی آنے والی فلم میں نین تارا کے ساتھ اسکرین شیئر کرتے ہوئے نظر آ سکتے ہیں، جسے پروڈیوسر دل راجو پیش کر رہے ہیں۔ اب سلمان خان ایک اور نئی فلم میں ایک اور جنوبی ہند کی سپر اسٹار اداکارہ کے ساتھ کام کر سکتے ہیں۔ اس بار یہ فلم مشہور فلم ساز جوڑی راج نِدیمورو اور کرشنا ڈی کے (جنہیں مجموعی طور پرراج اینڈ ڈی کے کہا جاتا ہے) کے ساتھ ہو سکتی ہے۔
اطلاعات کے مطابق سلمان خان اس وقت راج نِدیمورو اور کرشنا ڈی کے کے ساتھ ایک ممکنہ سپر ہیرو فلم کے لیے ابتدائی بات چیت کر رہے ہیں۔ مڈ ڈے کے ذرائع کے مطابق اس پروجیکٹ میں ایک اہم کردار کے لیے سمانتھا رُتھ پربھو مضبوط امیدوار کے طور پر سامنے آئی ہیں۔سمانتھا اس سے پہلے ان ہدایتکاروں کے ساتھ ویب سیریز دی فیملی مین کے دوسرے سیزن میں کام کر چکی ہیں۔
 ذرائع نے بتایاکہ ’’سمانتھا اس وقت سنجیدگی سے زیر غور ہیں۔ ان کا فلم سازوں کے ساتھ مضبوط تخلیقی تعلق ہے اور انہیں لگتا ہے کہ وہ اس کردار کے لیے موزوں ہیں۔‘‘ اگر سب کچھ منصوبے کے مطابق ہوا تو پروڈیوسرز اس فلم کی شوٹنگ  اگست  میں شروع کرنے کا ہدف رکھ رہے ہیں۔سمانتھا رُتھ پربھو کے ساتھ ممکنہ طور پر اسکرین شیئر کرنے سے پہلے سلمان خان پہلے پروڈیوسر دل راجو کی فلم پر کام شروع کریں گے، جس کی ہدایت کاری تیلگو فلم ساز وامشی پیڈی پلی  کریں گے۔
ایک اور ذرائع  کے مطابق  نین تارا  فی الحال فلم کی مرکزی اداکارہ کے لیے سب سے مضبوط امیدوار ہیں، تاہم بات چیت ابھی جاری ہے۔ یہ ایک پین انڈیا ایکشن انٹرٹینر ہوگی اور اس کی شوٹنگ اپریل تک شروع ہونے کی امید ہے۔

یہ بھی پڑھئے:عالیہ بھٹ اور شروَری کی فلم ’’اَلفا‘‘ ایک بار پھر مؤخر، اب جولائی میں ریلیز ہوگی

سلمان خان کا آنے والا پروجیکٹ 
سلمان خان کی اگلی فلم  جنگی ڈراما  ’’بیٹل آف گلوان ‘‘  ہے ، جس میں چترانگدا سنگھ اور رندیپ ہڈا بھی شامل ہیں۔ یہ فلم ۲۰۲۰ء کی گلوان ویلی جھڑپ  کے حقیقی واقعات سے متاثر ہے اور لداخ میں تعینات  ہندوستانی فوجیوں کی کہانی بیان کرتی ہے جو سرحد پر بڑھتی ہوئی کشیدگی کا سامنا کرتے ہیں۔

یہ بھی پڑھئے:ٹی۲۰؍ ورلڈ کپ: ٹیم انڈیا کے چیمپئن بننے کے سفر میں یہ میچ ’ٹرننگ پوائنٹ‘ ثابت ہوا

اس فلم میں سلمان خان  کرنل سنتوش بابو  کا کردار ادا کریں گے، جو مشکل پہاڑی علاقے میں اپنے فوجیوں کی قیادت کرتے ہیں اور ایک کشیدہ صورتحال کا سامنا کرتے ہیں۔ کہانی بہادری، قربانی اور وطن کا دفاع کرنے والے فوجیوں کے جذباتی بوجھ پر روشنی ڈالتی ہے۔ بیٹل آف گلوان  اس سال  یومِ آزادی کے ہفتے  میں ریلیز کی جائے گی۔