گلوکار اریجیت سنگھ اپنی اگلی جنگل ایڈوینچر فلم سے ہدایتکاری کے میدان میں قدم رکھیں گے۔ یاد رہے کہ یہ ان کی ہدایتکاری میں بننے والی پہلی فلم ہوگی۔ کشورکمار کے بعد وہ ایسا کرنے والے واحد اداکار ہوں گے۔

گلوکار اریجیت سنگھ نے ۲۰۱۳ء میں موہت سوری کی فلم ’’عاشقی ۲‘‘ میں موسیقی دی تھی اور اب ۱۳؍ سال بعد وہ ہندی سنیما میں مشہور پلے بیک سنگر بننے کیلئے تیارہیں۔ اریجیت سنگھ نے اپنے پلے بیک سنگنگ سے اپنے مداحوں کا دل جیت لیا ہے وہی یہ دعویٰ کیا جارہا ہے کہ اریجیت سنگھ ہدایتکاری کے میدان میں اپنا لوہا منوانے کیلئے تیار ہیں۔ ہندی فلموں میں گلوکار کا ہدایتکار میں تبدیل ہوجانا کبھی کبھار ہوتا ہے اور ایسا صرف ایک مرتبہ ہوا ہے جب بالی ووڈ کے لیجنڈری کشور کمار ایک کامیاب اداکار، میوزک کمپوزر ہونے کے علاوہ گلوکار اور فلم ہدایتکار بھی تھے۔ اب اریجیت سنگھ بھی جنگل ایڈوینچر پر مبنی فلم کے ذریعے ہدایتکاری کے میدان میں داخل ہونے کیلئے تیار ہیں جسے مہاویر جین نے پروڈیوس کیا ہے۔ یہ خبر شیئر کرتے ہوئے پنک ویلا نے بتایا ہے کہ ’’اریجیت سنگھ ہدایتکار بننے پر غور کر رہے ہیں اور خاموشی سے ایک بہترین اسکرپٹ پر کام کر رہے ہیں۔ بطور ہدایتکار ان کی پہلی فلم جنگل ایڈوینچر پر مبنی ہوگی جسے انہوں نے کویل سنگھ کے ساتھ لکھا ہے۔‘‘ 

یہ بھی پڑھئے: رشبھ شیٹی ’’کانتارا : چیپٹر وَن ‘‘ کیلئے ۱۰۰؍ کروڑ روپے معاـوضہ لیں گے

ذرائع کی رپورٹ میں مزید کہا گیا ہے کہ ’’فلم کی اسکرپٹ لاک کی جاچکی ہے اور اگلا قدم کاسٹنگ ہے۔ یہ زیادہ بجٹ والی ایک جنگل ایڈوینچر فلم ہوگی اور اریجیت سنگھ فلم کے پری پروڈکشن پر عملے کے ساتھ کام کر رہے ہیں۔ اگلے ماہ فلم کاسٹنگ کے مرحلے میں داخل ہوجائے گی اور کاسٹ میں مشہور اداکاروں کو شامل کرنے پرغور کیا جارہا ہے۔‘‘ یہ پری پین انڈین فلم ہوگی اسی لئے یہ خیال کیا جارہا ہے کہ دنیا بھر سے باصلاحیت اداکاروں کو اس فلم میں کاسٹ کیا جائے گا۔‘‘ مہاویر جین کے علاوہ الوک دیوتی فلمز اور گوڈ بلز انٹرٹینمنٹ بھی اس فلم کو پروڈیوس کرے گا۔‘‘