جولی ایل ایل بی فرنچائز کی فلموں کے لاکھوں مداح ہیں۔ ارشد وارثی نے پہلے حصے میں اپنی اداکاری کے جوہر دکھائے۔ اس کے ساتھ ہی دوسرےحصے میں اکشے کمار کی اداکاری کو لوگوں نے پسند کیا۔

جولی ایل ایل بی فرنچائز کی فلموں کے لاکھوں مداح ہیں۔ ارشد وارثی نے پہلے حصے میں اپنی اداکاری کے جوہر دکھائے۔ اس کے ساتھ ہی دوسرےحصے میں اکشے کمار کی اداکاری کو لوگوں نے پسند کیا۔ اب لوگ فلم کی تیسری قسط کا بے صبری سے انتظار کر رہے ہیں۔ اس فلم میں دونوں ستارے ایک ساتھ نظر آنے والے ہیں۔ اس دوران فلم کے حوالے سے ایک بڑا اپ ڈیٹ سامنے آیا ہے۔ تازہ ترین رپورٹس کےمطابق جولی ایل ایل بی۳؍کی شوٹنگ اس موسم گرما میں شروع ہونے جا رہی ہے۔ فلم میں اکشے اور ارشد اپنے اپنےکرداروں کو دوبارہ نبھاتے نظر آئیں گے۔ ذرائع کے مطابق ارشد جلد ہی راجستھان میں فلم کے اپنے حصے کی شوٹنگ شروع کرنے کے لیے تیارہیں۔ ساتھ ہی، اکشے کے اس شیڈول میں شامل ہونے کے بارے میں کوئی معلومات سامنے نہیں آئی ہیں۔ ایک رپورٹ میں ایک ذرائع کے حوالے سے بتایا گیا ہے کہ ارشد وارثی جلدہی راجستھان میں ایک ماہ کا شیڈول شروع کریں گے۔ اس کے لیے جگہ پر پری پروڈکشن کا کام شروع کر دیا گیا ہے۔