سلمان خان اس سیزن کیلئے تقریباًایک ہزار کروڑ روپےلیں گے جو سال کی سب سے زیادہ کمائی کرنے والی فلم `کے جی ایف۲؍ کے بجٹ سے۱۰؍ گنا زیادہ ہے

:ٹی وی کاریالٹی شو `بگ باس۱۶؍ جلد ہی اپنے نئے سیزن کے ساتھ واپسی کرنے جا رہا ہے۔ میڈیا رپورٹس کے مطابق شو کے میزبان سلمان خان اس سیزن کے لیے۱۵؍ ویں سیزن کے مقابلے تین گنا زیادہ فیس وصول کر رہے ہیں۔ تاہم میکرز نے ابھی تک اس خبر کی تصدیق نہیں کی ہے۔
سلمان کے جی ایف سے۱۰؍ گنا زیادہ فیس لینگے
 ایک رپورٹ میں  بتایا گیاہے کہ سلمان خان اس سیزن کے لیے تقریباًایک ہزار کروڑ  روپے وصول کر رہے ہیں۔ یہ خبر سننے کے بعد لوگ کہہ رہے ہیں کہ سلمان اس سال کی سب سے زیادہ کمائی کرنے والی فلم `کے جی ایف۲؍ کے بجٹ  سے۱۰؍ گنا زیادہ فیس لے رہے ہیں۔ بتاتے چلیں کہ یش اسٹارر یہ فلم تقریباً۱۰۰؍ کروڑ کے بجٹ میں بنی تھی۔ اس کے ساتھ ہی اس نے باکس آفس پر تقریباًایک ہزارکروڑ کی کمائی کی۔  اس لحاظ سے سلمان خان سال کی بلاک بسٹر فلم کے بجٹ سے۱۰؍ گنا زیادہ فیس لے رہے ہیں۔
شو اکتوبر کے آخر تک نشر ہو گا
 بگ باس۱۶؍  اکتوبر کے اوائل تک آن ایئر رہے گا۔ چند روز قبل اس سیزن کے سیٹ کی تصاویر سوشل میڈیا پر لیک ہوئی تھیں جنہیں دیکھ کر لگتا ہے کہ اس بار شو کا تھیم’ ایکوا ‘ہونے جا رہا ہے۔ شو کے سیٹ کے اندرونی حصے میں نیلے رنگ کا بہت زیادہ استعمال کیا گیا ہے۔ دوسری طرف، اگر ہم شو کے شرکاء کی بات کریں، تو میکرز موہت ملک، نکول مہتا، راج انادکت، دیویانکا ترپاٹھی، شیوانگی جوشی، ٹینا دتہ، پونم پانڈے اور بصیر علی کو  شامل کرسکتے ہیں۔ ان تمام اداکاروں کے علاوہ ارجن بجلانی کو بھی شو کی پیشکش ہوئی تھی لیکن انہوں نے انکار کر دیا۔اس کے علاوہ شو کے میکرزشرکاء کا انتخاب سرگرمی سے کر رہے ہیں۔ بگ باس۱۶؍ کے اعلان کردہ امیدواروں کی فہرست میں لاک اَپ ونر منور فاروقی، ٹک ٹاک فیم فیصل شیخ، ٹی وی اداکارہ شیوین نارنگ اور ویوین ڈیسینا کے نام شامل ہیں۔ ساتھ ہی پونم پانڈے، جنت زبیر، کنیکا مان، سائشا شندے، پراچی دیسائی، دیپکا سنگھ کے ناموں پر بھی غور کیا جا رہا ہے۔