برطانوی گلوکارہ بلی ایلش کی آنے والی کنسرٹ فلم Hit Me Hard and Soft: The Tour (Live in 3D) کی ہندوستان میں ریلیز مبینہ طور پر سی بی ایف سی کلیئرنس میں تاخیر کے باعث ملتوی کر دی گئی ہے۔ فلم پہلے ۸؍ مئی کو ریلیز ہونے والی تھی، تاہم رپورٹس کے مطابق سینسر بورڈ نے فلم میں متعدد کٹوتیوں کی تجویز دی ہے۔

بلی ایلش کے ہندوستانی مداحوں کو ان کی نئی کنسرٹ فلم Hit Me Hard and Soft: The Tour (Live in 3D) دیکھنے کے لیے مزید انتظار کرنا پڑ سکتا ہے، کیونکہ فلم کی ہندوستان میں ریلیز مبینہ طور پر سینٹرل بورڈ آف فلم سرٹیفیکیشن (سی بی ایف سی) سے کلیئرنس نہ ملنے کی وجہ سے مؤخر کر دی گئی ہے۔ یہ فلم پہلے ۸؍ مئی کو ہندوستان میں ریلیز ہونے والی تھی، تاہم تازہ رپورٹس کے مطابق اس کی نمائش کو آگے بڑھا دیا گیا ہے۔ رپورٹ کے مطابق سینسر بورڈ نے فلم کے معائنے کے بعد متعدد کٹوتیوں کی سفارش کی، جس کے باعث سرٹیفکیشن کا عمل تاخیر کا شکار ہو گیا۔ پیراماؤنٹ پکچرس کی ہندوستانی ٹیم نے مبینہ طور پر فلم میں تجویز کردہ تبدیلیوں پر اپنے امریکی ہیڈ آفس سے مشاورت کی تاکہ یہ فیصلہ کیا جا سکے کہ آیا سینسر بورڈ کی شرائط کو قبول کیا جا سکتا ہے یا نہیں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by BILLIE EILISH (@billieeilish)

ذرائع کے مطابق امریکی ٹیم نے بعد میں ان مجوزہ تبدیلیوں کی منظوری دے دی، لیکن اس پورے عمل میں کافی وقت لگا، جس کی وجہ سے فلم کی ریلیز مؤخر کرنا پڑی۔ رپورٹس کے مطابق اب میکرز ۱۵؍  مئی کو فلم کی نئی ریلیز تاریخ کے طور پر دیکھ رہے ہیں، اگرچہ اس حوالے سے باضابطہ اعلان ابھی سامنے نہیں آیا۔ یہ تھری ڈی کنسرٹ فلم جیمس کیمرون کے تعاون سے تیار کی گئی ہے، جو ’’ٹائی ٹینک‘‘ اور ’’اوتار‘‘ جیسے عالمی شہرت یافتہ منصوبوں کے لیے معروف ہیں۔ فلم کو برطانیہ میں بلی ایلش کے چار راتوں پر مشتمل کنسرٹ ٹور کے دوران شوٹ کیا گیا تھا، جہاں جدید تھری ڈی ٹیکنالوجی اور سینیمیٹک انداز کے ذریعے لائیو میوزک کے تجربے کو نئی جہت دی گئی۔

یہ بھی پڑھئے: آسکرز کے بعد گولڈن گلوب نے بھی اے آئی سے بنائے گئے کرداروں پر پابندی لگا دی

اس کنسرٹ فلم کو بین الاقوامی سطح پر ناقدین کی جانب سے مثبت ردعمل ملا ہے۔ ’’دی ریپ‘‘ کے نقاد ٹوڈ گلکرسٹ نے فلم کے بارے میں کہا کہ یہ ایک نایاب کنسرٹ فلم ہے جس سے لطف اندوز ہونے کے لیے ہر گانے سے واقف ہونا ضروری نہیں۔ ان کے مطابق فلم ایک منفرد اور جذباتی تجربہ پیش کرتی ہے۔ اسی طرح ورائٹی کے اوین گلیبرمین نے لکھا کہ یہ  روایتی کنسرٹ فلموں سے مختلف محسوس ہوتی ہے، کیونکہ اس کی فلم بندی اور بصری انداز اسے ایک ’’حقیقی تجربہ‘‘ بنا دیتے ہیں۔

یہ بھی پڑھئے: کرینہ کپور، سلمان خان کی سپر ہیرو فلم کا حصہ بن سکتی ہیں

یہ فلم دیگر کئی ممالک میں پہلے ہی ’’والدین کی رہنمائی‘‘ کی درجہ بندی کے ساتھ منظور کی جا چکی ہے، جن میں یوکے، امریکہ، کنیڈا اور آسٹریلیا شامل ہیں۔ ہندوستان میں فلم کی تاخیر نے مداحوں میں مایوسی پیدا کی ہے، خاص طور پر ایسے وقت میں جب بلی ایلش کی عالمی مقبولیت اور ان کے حالیہ میوزیکل پروجیکٹس نوجوان سامعین میں بے حد مقبول ہو رہے ہیں۔