وزیر اعظم نریندر مودی نے اتوار کو عوام سے اپیل کی ہے کہ وہ کرسمس اور نئے سال کے موقع پر سوَدیشی (دیسی مصنوعات) کو ترجیح دیں اور خریداری میں مقامی کاریگروں کی محنت کو مضبوط کریں۔

وزیر اعظم نریندر مودی نے اتوار کو عوام سے اپیل کی ہے کہ وہ کرسمس اور نئے سال کے موقع پر سوَدیشی (دیسی مصنوعات) کو ترجیح دیں اور خریداری میں مقامی کاریگروں کی محنت کو مضبوط کریں۔ اپنے ماہانہ ریڈیو پروگرام ’’من کی بات‘‘ میں وزیر اعظم نے کہا کہ انہیں خوشی ہے کہ’’ووکل فار لوکل‘‘ کی مہم اب کروڑوں ہندوستانیوں کے طرزِ زندگی کا حصہ بنتی جارہی ہے۔ انہوں نے کہا کہ اس برس تہواروں کی خریداری کے دوران ملک بھر میں یہ رجحان واضح نظر آیا کہ لوگ دل سے  ہندوستانی مصنوعات کو ترجیح دے رہے ہیں، جسے چھوٹے دکانداروں نے بھی محسوس کیا۔ نوجوانوں نے بھی اس مہم کو خاصی رفتار دی ہے۔
وزیر اعظم نے آنے والے دنوں میں کرسمس اور نئے سال کی خریداری کے حوالے سے عوام کو ایک بار پھر یاد دلایا کہ’’ووکل فار لوکل کا منتر یاد رکھیں۔ خریدیں وہی جو ملک میں بنا ہو  اور بیچیں وہی جس میں کسی ہندوستانی کی محنت شامل ہو۔انہوں نے بتایا کہ حال ہی میں جی ۲۰؍ سربراہ اجلاس کے دوران عالمی لیڈروں کو  دیئے جانے والے تحائف میں بھی سوَدیشی مصنوعات کو ترجیح دی گئی۔جنوبی افریقہ کے صدر کو نٹراج کی کانسہ کی مورتی پیش کی گئی۔ 
کنیڈا کے وزیراعظم کو چاندی کے گھوڑے کی نفیس نقل دی گئی، جو راجستھان کے اُدئے پور کی بہترین کاریگری کو ظاہر کرتی ہے۔جاپان کے وزیراعظم کو چاندی میں تراشا ہوا بدھ کا مجسمہ تحفے میں دیا گیا، جو تلنگانہ کے کریم نگر کی مشہور چاندی کے کام کی جھلک ہے۔اٹلی کی وزیراعظم کو چاندی کا فُل دار آئینہ پیش کیا گیا، جو کریم نگر کی روایتی دھات کاری کی ایک دلکش مثال ہے۔آسٹریلیا کے وزیراعظم کو تانبے کی اُرلی دی گئی، جو کیرالہ کے منّار کی قدیم اور معروف دستکاری کاری کی نمائندہ تخلیق ہے۔ وزیر اعظم مودی نے کہا کہ ان کا مقصد دنیا کو  ہندوستانی اسکیل، دستکاری اور ثقافتی ورثے سے روشناس کرانا اور ہندوستانی کاریگروں کی صلاحیت کو عالمی سطح پر نمایاں مقام دلانا ہے۔وزیراعظم نریندر مودی نے ملک میں پہاڑوں اور ثقافت کے ساتھ ساتھ مہم جوئی پر مبنی کھیلوں کے لیے سازگار حالات کا ذکر کرتے ہوئے کہا کہ ہندوستان میں سرمائی سیاحت کو فروغ دینے کے بے پناہ امکانات ہیں اور انہیں فروغ  دیئے  جانے کی ضرورت ہے۔  مودی نے کہا کہ دنیا کے کئی ممالک نے سرمائی سیاحت کو اپنی معیشت کا بہت بڑا ذریعہ بنا دیا ہے۔ 

یہ بھی پڑھئے:شاہ رخ خان نے کہا شاندار یادوں کے لیے شکریہ آندرے رَسَل

بہت سے ممالک میں دنیا کے سب سے کامیاب خزاں کے تہوار اور خزاں کے کھیلوں کے ماڈل ہیں اور وہ عالمی توجہ کا مرکز ہیں۔ ملک میں سرمائی سیاحت کے امکانات کا ذکر کرتے ہوئے انہوں نے کہا کہ ہمارے ملک میں بھی سرمائی سیاحت کی تمام صلاحیت موجود ہے، ہمارے پاس پہاڑ بھی ہیں، ثقافت بھی ہے اور ایڈونچر کے بے شمار امکانات بھی ہیں۔ مجھے خوشی ہے۔ 

یہ بھی پڑھئے:اسپینش لالیگا میں بارسلونا نے الاویزکو قابو کیا،پہلی پوزیشن بھی برقرار

انہوں نے کہا کہ ان دنوں اتراکھنڈ کی سرمائی سیاحت سیاحوں کو بہت متوجہ کر رہی ہے، اولی، منسیاری، چوپٹا اور دیارہ جیسی جگہیں سردیوں کے موسم میں بہت مشہور ہو رہی ہیں۔ سردیوں میں شادی تقریبات کا ذکر کرتے ہوئے انہوں نے کہا کہ  سردیوں میں ویڈ ان انڈیا  مہم بھی الگ ہی مقبول ہو رہی ہے۔ سردیوں کی سنہری دھوپ ہو، پہاڑوں سے اترتی ہوئی کہرے کی چادر ہو، ڈیسٹینیشن ویڈنگ کے لیے پہاڑ بھی اب بہت مقبول ہو رہے ہیں ۔