ہندی اور مراٹھی فلموں کی اداکارہ سیما دیو کا طویل علالت کے بعد انتقال ہو گیا، خاندانی ذرائع نے جمعرات کو یہ اطلاع دی۔ وہ۸۱؍برس کی تھیں۔

ہندی اور مراٹھی فلموں کی اداکارہ سیما دیو کا طویل علالت کے بعد انتقال ہو گیا، خاندانی ذرائع نے جمعرات کو یہ اطلاع دی۔ وہ۸۱؍برس کی تھیں ۔ سیما دیو الزائمرکی بیماری اور دیگر عوارض میں مبتلا تھیں ۔ انہوں نے ایک نجی اسپتال میں آخری سانس لی۔ان کے شوہر رمیش دیو ایک معروف اداکار ہیں اور ان کے دوبیٹے اجنکیا اور ابھینئے میں سے ایک اجنکیا اداکار اور ابھینئے ڈائریکٹر ہیں ۔ اداکارہ سیماممبئی میں پیدا ہوئیں اور ان کا اصل نام نلنی صراف تھا۔انہوں نے ہندوستانی فلم انڈسٹری کے بلیک اینڈ وائٹ سے لے کر رنگین دور تک ۶؍دہائیوں پر محیط کریئر میں لگ بھگ ۹۰؍ہندی اور مراٹھی فلموں میں کام کیا۔انہیں اپنےشوہر رمیش اور امیتابھ بچن سمیت دیگر اداکاروں کے ساتھ میوزیکل بلاک بسٹر’آنند (۱۹۷۱ء)‘میں ان کے اہم کردار کے لیے سب سے زیادہ یاد کیا جاتا ہے۔