آئرلینڈ کے گلوکار چارلی میک گیٹیگن نے اسرائیل کی یوروویژن میں شمولیت کی مخالفت میں اپنا۱۹۹۴ء کا ٹرافی واپس کرنے کا اعلان کیا ہے۔ یہ اقدام پچھلے سال کے فاتح سویس گلوکار نیمو کے ساتھ حمایت کے طور پر سامنے آیا ہے۔

آئرلینڈ کے چارلی میک گیٹیگن، جنہوں نے ۱۹۹۴ءمیں یوروویژن سانگ کانٹیسٹ جیتا تھا، نے کہا ہے کہ وہ مقابلے میں اسرائیل کی مسلسل شرکت کی مخالفت میں اپنا ٹرافی واپس کریں گے، اور اس اقدام میں پچھلے سال کے فاتح سویس گلوکار نیمو بھی شامل ہیں۔ میک گیٹیگن نے سوشل میڈیا پر پوسٹ کئے گئے ایک ویڈیو میں کہا کہ وہ ٹرافی یوروپی براڈکاسٹنگ یونین (EBU) کو بھیجنے کا ارادہ رکھتے ہیں، جو یوروویژن کا انعقاد کرتی ہے۔ میک گیٹیگن نے یہ مقابلہ اپنے آئرش ہمراہ گلوکار پال ہیرنگٹن کے ساتھ جیتا تھا۔ انہوں نے کہا کہ نیمو نے آن لائن رابطہ کیا اور ۲۰۲۴ءکے ٹرافی واپس کرنے کے فیصلے کی وضاحت کی۔ 

یہ بھی پڑھئے: فریڈم فلوٹیلا کولیشن کا ڈبلن میں اجلاس،غزہ کوچ واسرائیل کے خلاف کارروائی کی اپیل

ہیرنگٹن نے کہا: ’’وہ بہت مخلص اور ذہین لگے اور اپنا موقف بہت اچھی طرح بیان کیا، لہٰذا نیمو کی حمایت میں، میں بھی اپنی ٹرافی’’ ای بی یو‘‘کو واپس کرنا چاہوں گا۔ بدقسمتی سے ہماری جیت ۱۹۹۴ءمیں ہوئی تھی اور میں اپنے اُس وقت کے ٹرافی تک نہیں پہنچ سکتا، لیکن اگر میں اسے ڈھونڈ لوں، تو میں اپنی ٹرافی بھی واپس کردوں گا۔ ‘‘یہ اقدام اسرائیل کی یوروویژن میں شمولیت کے گرد جاری وسیع تنازع کے دوران سامنے آیا ہے۔ گزشتہ ہفتے اس بات کی تصدیق کے بعد کہ اسرائیل مقابلے میں شامل رہے گا، پانچ ممالک کے براڈکاسٹرز، آئس لینڈ، آئرلینڈ، نیدرلینڈز، سلووینیا اور اسپین نے۲۰۲۶ء کے مقابلے سے دستبرداری کا اعلان کیا۔