اداکارہ سوناکشی سنہا اور ظہیر اقبال کی اگلی رومانٹک تھرلر فلم ’’تو ہے میری کرن‘‘ کا فرسٹ لک جاری کر دیا گیا ہے۔ فلم کے پوسٹر نے ریلیز سے پہلے ہی شائقین کی توجہ اپنی جانب مبذول کرالی ہے۔

اداکارہ سوناکشی سنہا اور ظہیر اقبال کی اگلی  رومانٹک تھرلر فلم ’’تو ہے میری کرن‘‘ کا فرسٹ لک جاری کر دیا گیا ہے۔ فلم کے پوسٹر نے ریلیز سے پہلے ہی شائقین کی توجہ اپنی جانب مبذول کرالی ہے۔ سوناکشی سنہا اور ان کے شوہر ظہیر اقبال اس فلم میں ایک بار پھر اسکرین شیئر کرتے نظر آئیں گے۔ یہ دونوں کی ایک ساتھ دوسری فلم ہے اور شادی کے بعد دونوں کی یہ پہلی فلم ہے۔ 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sonakshi Sinha (@aslisona)

سوناکشی سنہا نے اپنے سوشل میڈیا اکاؤنٹ پر فلم کا پہلا پوسٹر شیئر کرتے ہوئے سوال کیا، ’’آپ محبت اور جنون کے درمیان لکیر کہاں کھینچیں گے؟‘‘  فلم کے پوسٹر پر بھی اسی خیال کو نمایاں کیا گیا ہے  جبکہ اس کے ساتھ درج جملہ  “She Found a Connection, He Found an Obsession یعنی ’’اسے ایک تعلق ملا، اسے ایک جنون مل گیا‘‘ فلم کی کہانی میں موجود پراسرار اور سنسنی خیز پہلو کی طرف اشارہ کرتا ہے۔  

یہ بھی پڑھئے:نتیش سیواچ نے۶۴؍ سال کا انتظار ختم کیا، گریکو رومن کشتی کا چاندی کا تمغہ جیتا

فرسٹ لک میں سوناکشی اور ظہیر ایک میز پر آمنے سامنے نظر آتے ہیں۔ پوسٹر کا مجموعی انداز رومان، راز اور سسپنس کا احساس پیدا کرتا ہے، تاہم فلم کے پلاٹ اور کرداروں کے بارے میں میکرز نے فی الحال زیادہ تفصیلات سامنے نہیں لائی ہیں۔ اس وجہ سے فلم کی کہانی کو لے کر شائقین میں تجسس برقرار ہے۔  ’’تو ہے میری کرن‘‘ کو کرن راؤل نے لکھا اور ڈائریکٹ کیا ہے، جبکہ فلم کو وشال رانا نے ایچلون پروڈکشنز کے بینر تلے پروڈیوس کیا ہے۔ پی اے ایم اسٹوڈیوز اے این ڈی پروڈکشنز بھی اس پروجیکٹ سے وابستہ ہیں۔ فلم کو رومانٹک تھرلر کے طور پر پیش کیا جا رہا ہے اور اس میں محبت کے ساتھ راز، سسپنس اور جنون کے عناصر دکھائی دینے کی توقع ہے۔ 
فلم کی ریلیز کی تاریخ بھی سامنے آ گئی ہے۔ ’’تو ہے میری کرن‘‘ ۲۳؍ اکتوبر ۲۰۲۶ء کوسنیما گھروں میں ریلیز ہوگی۔  فرسٹ لک کے ذریعے فلم کی تشہیری مہم کا باقاعدہ آغاز ہوگیا ہے۔  سوناکشی سنہا اور ظہیر اقبال اس سے قبل ۲۰۲۲ء کی فلم ’’ڈبل ایکس ایل‘‘میں ایک ساتھ نظر آئے تھے۔ اب چار سال بعد دونوں دوبارہ بڑے پردے پر ایک ساتھ دکھائی دیں گے، لیکن اس بار ان کی جوڑی ایک رومانٹک تھرلر میں نظر آئے گی۔ 

یہ بھی پڑھئے:عالیہ بھٹ ارتھ شاٹ پرائز ۲۰۲۶ء کی ممبئی تقریب میں شرکت کریں گی

سوناکشی سنہا اور ظہیر اقبال نے کئی برس تک اپنے تعلق کو نجی رکھا تھا۔ دونوں نے جون ۲۰۲۴ء میں شادی کی تھی۔ اب شادی کے بعد پہلی مرتبہ دونوں کسی فیچر فلم میں ایک ساتھ مرکزی کرداروں میں نظر آنے جا رہے ہیں، جس کی وجہ سے ’’تو ہے میری کرن‘‘ کو ان کے مداحوں کے درمیان خاص توجہ مل رہی ہے۔ فرسٹ لک سے واضح ہے کہ فلم محض ایک روایتی محبت کی کہانی تک محدود نہیں ہے، بلکہ اس میں محبت اور جنون کے درمیان بدلتے رشتے کو سسپنس اور تھرل کے ساتھ پیش کرنے کی کوشش کی گئی ہے۔ تاہم فلم کی اصل کہانی اور کرداروں کے حوالے سے مزید معلومات کے لیے شائقین کو اس کی ریلیز تک انتظار کرنا ہوگا۔