چیتن بھگت نے انکشاف کیا کہ لیجنڈری نغمہ نگار گلزار اکثر انہیں اپنے کام کی تعریف کرنے کے لیے پیغامات بھیجتے ہیں اور ایک بارگلزار نے چیتن بھگت کی والدہ سے کہا کہ ’’کاش میں آپ کے بیٹے کی طرح لکھ سکتا۔‘‘

چیتن بھگت ہندوستان کے سب سے مشہور مصنفین میں سے ایک ہیں  اور ان کا نام اور شہرت کتابوں کی الماریوں سے آگےہے ان کے ناولوں پر بنائی گئی فلمیں جیسےتھری ایڈیٹس، اسٹیٹس ۲؍ اور کائی پوچے ،جو کہ بالی ووڈ کی بڑی ہٹ  ثابت ہوئی ہیں۔ اگرچہ بہت سے لوگ سادہ زبان اور متعلقہ کہانیوں کی وجہ سے ان کے لکھنے کا انداز پسند کرتے ہیں، لیکن انہیں ایک طبقے کی جانب سے تنقید کا سامنا کرنا پڑتا ہے۔

It’s Release Day!😃 pic.twitter.com/1ysjyQrhh9

— Chetan Bhagat (@chetan_bhagat) October 1, 2025

حال ہی میں  ایک انٹرویو میں چیتن بھگت نے اپنی تازہ ترین کتاب ’’ٹویلو ایئرس : مائی میسڈ اپ لو اسٹوری ‘‘  کے لیے تنقید کا سامنا کرنے کے بارے میں بات چیت کی۔ اپنے خیالات کا اظہار کیا۔ 
چیتن بھگت نے کہاکہ ’’پھر میں کتاب کیسے لکھوں؟ کیا میں کتاب کو ایک عورت کے ساتھ شریک مصنف بناؤں؟ یہ کیا بکواس ہے؟ میں ۲۱؍ سال سے لکھ رہا ہوں، اگر کہانی پختہ نہیں ہے تو یہ کام نہیں ہو گا، اگر میں صرف ایک طرح سے کام کروں  تو یہ کام نہیں کرے گا۔ ‘‘ مزید برآں، اپنے ایک مداح کے بارے میں بات کرتے ہوئے، انہوں نے بتایا کہ یہ کوئی اور نہیں بلکہ لیجنڈ نغمہ نگار گلزار صاحب ہیں، جو ان کے کام کی تعریف کرتے ہیں۔ گلزار کے بارے میں بات چیت کرتے ہوئے، بھگت نے کہا کہ ’’ ایک شخص جو مجھے معمول کے مطابق پیغامات بھیجتا ہے، میرے کالموں کے بارے میں بات کرتا ہے اور میرے کام کی تعریف کرتا ہے وہ گلزار صاحب ہیں۔ سب سے پہلی بات جو انہوں نے میری والدہ سے کہی تھی’ کاش میں آپ کے بیٹے کی طرح لکھ سکتا‘ کوئی بھی جو اتنا اچھا کام کر رہا ہے اور اتنا کامیاب ہے کبھی یہ نہیں کہتا۔‘‘
 چیتن اپنے ناولوں کی زبان کو بہت سادہ رکھتے ہیں، کم سے کم فقروں اور اصطلاحات کے استعمال کے ساتھ تحریر کو آسان بناتے ہیں۔ وہ وسیع تر سامعین تک پہنچنا چاہتے ہیں۔ اپنی زبان کے بارے میں بات  چیت کرتے ہوئے چیتن نے کہا کہ ’’میری آخری پیشکش بہت آسان ہے کیونکہ مجھے عام آدمی تک پہنچنا ہے۔ میں ہندی میں بات کرتا ہوں اور اپنے آپ کو ایک گراؤنڈ لڑکے کے طور پر پیش کرتا ہوں  جس طرح میں بات کرتا ہوں، جس طرح میں چائے کا ذکر کرتا ہوں ، یہ لوگوں کو سوچنے پر مجبور کرتا ہے۔عوام تک پہنچنے میں میں کامیاب ہوں، اس لیے وہ مجھے کسی ایسے شخص کے طور پر دیکھتے ہیں جو اس کا مستحق نہیں ہے کیونکہ انھوں نے اپنے تحریری کریئر میں جدوجہد کی ہے اگر میں چیتن بھگت نہ ہوتا تو میں چیتن بھگت سے نفرت کرتا۔‘‘