۴۷؍سالہ عمران طاہر نے تقریباً تنہا سینٹ لوسیا کنگز کی بلے بازی کو تہس نہس کردیا، جس کی بدولت گیانا امیزون واریئرز نے کم اسکور والے مقابلے میں کامیابی حاصل کرکے جیت کی راہ پر واپسی کی۔ صرف ۱۲۰؍ رنز کے ہدف کے تعاقب میں امیزون واریئرز کی ٹیم ۹۸؍ رنز پر پانچ وکٹ گنوا کر مشکل میں تھی اور اسے ۱۷؍ گیندوں پر ۲۲؍ رنز درکار تھے۔

۴۷؍سالہ عمران طاہر نے تقریباً تنہا سینٹ لوسیا کنگز کی بلے بازی کو تہس نہس کردیا، جس کی بدولت گیانا امیزون واریئرز نے کم اسکور والے مقابلے میں کامیابی حاصل کرکے جیت کی راہ پر واپسی کی۔ صرف ۱۲۰؍ رنز کے ہدف کے تعاقب میں امیزون واریئرز کی ٹیم ۹۸؍ رنز پر پانچ وکٹ گنوا کر مشکل میں تھی اور اسے ۱۷؍ گیندوں پر  ۲۲؍ رنز درکار تھے، لیکن کوئنٹن سیمپسن نے صرف ۱۱؍ گیندوں پرناٹ آؤٹ ۳۷؍رنز کی طوفانی اننگز کھیل کر ٹیم کو فتح دلا دی۔ ان کی اننگز میں پانچ چھکے اور ایک چوکا شامل تھا۔ یہ کنگز کی مسلسل تیسری شکست ہے۔
اس جیت کے ساتھ امیزون واریئرز کے پوائنٹس کی تعداد ۱۴؍ہوگئی اور اس نے تصدیق کردی کہ وہ سی پی ایل ۲۰۲۶ء کی لیگ جدول میں سرفہرست رہیں گے۔ وہ دوسرے نمبر پر موجود اینٹیگوا اور باربوڈا فالکنز سے ایک پوائنٹ آگے ہیں۔ پلے آف سے قبل امیزون واریئرز کے مزید دو لیگ میچ باقی ہیں، جن میں ان کا سامنا ٹرینباگو نائٹ رائیڈرز اور بارباڈوس ٹرائیڈنٹس سے ہوگا۔

یہ بھی پڑھئے:پریتی زنٹا نے کہا :اداکار صرف اپنی محنت اور کارکردگی کو کنٹرول کر سکتے ہیں

پہلے بلے بازی کرتے ہوئے کنگز نے پاور پلے میں ایک وکٹ پر ۵۱؍ رنز بنا کر اچھی شروعات کی، لیکن اس کے بعد امیزون واریئرز کے گیندبازوں نے میچ پر گرفت مضبوط کرلی۔ سی پی ایل میں اپنا پہلا میچ کھیل رہے مہدی حسن میراز نے پہلے ہی اوور میں وکٹ حاصل کی، جبکہ عمران طاہر نے فارم میں موجود کامل پورن کو ۳۵؍ گیندوں پر ۴۳؍ رنز بنانے کے بعد ایل بی ڈبلیو آؤٹ کردیا۔طاہر نے اگلی ہی گیند پر دوبارہ وکٹ حاصل کی۔ دسویں اوور میں انہوں نے اپنے کپتانی کے ہم منصب روسٹن چیز کو صرف ایک رن پر ایل بی ڈبلیو کردیا۔ کنگز کا اسکور ۶۴؍رنز پر چار وکٹوں سے ۷۲؍ رنز پر چھ وکٹ ہوگیا، جب مہدی حسن نے ۱۱؍ویں اوور میں کیمول سیوری اور چریتھ اسالنکا کو آؤٹ کیا۔ اس کے بعد طاہر نے نچلے آرڈر کو بھی تہس نہس کردیا۔

The King of Providence stands tall!🤴

Imran Tahir picks up his 2nd CPL fifer! 🇬🇾 x 🇱🇨#CPL26 #GAWvSLK #CricketPlayedLouder #BiggestPartyInSport #RepublicBank pic.twitter.com/grzI4J3eHA

— CPL T20 (@CPL) September 10, 2026

طاہر مسلسل وکٹوں کو نشانہ بناتے رہے۔ تین گیندوں کے اندر میک کینی کلارک اور میتھیو فورڈ صفر پر بولڈ ہوئے، جبکہ جوشوا بشپ طاہر کی غلط گیند پر دھوکا کھا کر ایل بی ڈبلیو ہوگئے۔ اس کے ساتھ ہی طاہر نے ٹی ۲۰؍ کرکٹ میں پانچویں مرتبہ پانچ وکٹیں حاصل کیں، جبکہ سی پی ایل میں یہ ان کا دوسرا پانچ وکٹوں کا کارنامہ تھا۔ طاہر اور مہدی حسن نے مل کر ۳۰؍ رنز دے کر آٹھ وکٹیں حاصل کیں اور دونوں نے مجموعی طور پر ۲۸؍ ڈاٹ گیندیں کرائیں۔
ہدف کے تعاقب میں امیزون واریئرز کے اوپنرز نے محتاط آغاز کیا اور پہلے تین اوورز میں صرف ۱۲؍رنز بنائے، جس کے بعد چیز نے ابتدائی شراکت توڑ دی۔ میزبان ٹیم پاور پلے میں ایک وکٹ پر صرف ۲۳؍ رنز بناسکی۔ ۱۱؍ اوورز کے بعد بھی اسکور ۵۰؍رنز تک نہیں پہنچا تھا۔ بالآخر گلین فلپس نے چیز کی گیند پر چھکا لگا کر ۳۶؍ گیندوں سے جاری باؤنڈری کے قحط کا خاتمہ کیا۔ اگلے اوور میں انہوں نے مہیش تھیکشنا کو بھی نشانہ بنایا، لیکن اسی گیندباز کی گیند پر بولڈ ہوگئے۔ فلپس نے۴۰؍ گیندوں پر ۳۷؍ رنز بنائے۔

یہ بھی پڑھئے:جرمن مسلح افواج میں جنسی زیادتی کے ۲۰۰۰؍ مقدمات: وزارت دفاع کی رپورٹ میں انکشاف

 اس کے بعد امیزون واریئرز کی مشکلات بڑھ گئیں۔ اسالنکا نے شائی ہوپ کو وکٹوں کے پیچھے کیچ کرایا، جبکہ چیز نے مہدی حسن کو کیچ آؤٹ کردیا۔ یہ دونوں وکٹیں پانچ گیندوں کے اندر گریں، جس سے ۱۵؍ویں اوور میں اسکور ۶۹؍ رنز پر چار وکٹ ہوگیا۔ ۴۸؍ رنز درکار ہونے کے وقت ہیتھمائر اور سیمپسن نے ۱۶؍ویں اوور میں اسالنکا کی گیندوں پر ایک ایک چھکا لگایا۔ اگرچہ ہیتھمائر ۱۸؍ویں اور روماریو شیفرڈ ۱۹؍ویں اوور میں آؤٹ ہوگئے، لیکن سیمپسن نے ٹیم کو کسی بھی کوتاہی سے بچا لیا۔ انہوں نے اپنی آخری چار گیندوں پر ۶ ، ۶، ۴، ۶؍ رنز بنا کر امیزون واریئرز کو شاندار فتح دلا دی۔