چار دہائیوں بعد جیکی شروف ایک بار پھر سپر ہیرو کے روپ میں نظر آئیں گے، اس بار ایک منفرد اور مزاحیہ سائنس فکشن فلم کے ساتھ۔

بالی ووڈ کے تجربہ کار اداکار جیکی شروف طویل وقفے کے بعد سپر ہیرو کی دنیا میں واپسی کر رہے ہیں۔ وہ اپنی آنے والی فلم ’’دی گریٹ گرینڈ سپر ہیرو: ایلینس کا آگمن‘‘ میں ایک بار پھر کیپ پہن کر ناظرین کو حیران کرنے کے لیے تیار ہیں۔ جیکی شروف نے آخری بار ۱۹۸۰ء کی دہائی میں فلم ’’شیوا کا انصاف‘‘ میں سپر ہیرو کا کردار ادا کیا تھا۔ اب تقریباً چالیس سال بعد وہ ایک نئے انداز میں اس صنف میں قدم رکھ رہے ہیں، جو خود میں ایک بڑی واپسی سمجھی جا رہی ہے۔
ہدایت کار منیش سینی کی یہ فلم روایتی سپر ہیرو کہانیوں سے ہٹ کر ہے۔ اس میں مزاح، فیملی ڈرامہ اور سائنس فکشن کو یکجا کیا گیا ہے۔ ٹیزر کے مطابق کہانی دو بچوں کے گرد گھومتی ہے، جہاں ایک بچہ اپنے خاندان کے ایک بڑے راز کا ذکر کرتا ہے۔ یہ راز ایک ممکنہ ایلین حملے سے جڑا ہوا ہے، اور اس کے دادا یعنی جیکی شروف ایک غیر معمولی طاقتوں کے حامل سپر ہیرو ہیں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Zee Studios (@zeestudiosofficial)

منفرد سپر ہیرو کردار
جیکی شروف کا کردار روایتی سنجیدہ سپر ہیروز سے مختلف ہے۔ ٹیزر میں وہ ایک رنگین کاسٹیوم میں ہلکے پھلکے انداز میں نظر آتے ہیں اور یہاں تک کہ چوتھی دیوار توڑتے ہوئے براہ راست ناظرین سے جڑتے ہیں، جو فلم کے مزاحیہ ٹون کو ظاہر کرتا ہے۔ فلم جیکی شروف کے ساتھ پرتیک ببر اور بھاگیہ شری بھی اہم کردار ادا کر رہے ہیں۔ پروڈکشن زی اسٹوڈیوز کے تحت ہو رہا ہے، جبکہ دیگر تکنیکی ٹیم میں سنیماٹوگرافی، ایڈیٹنگ اور میوزک کے لیے تجربہ کار نام شامل ہیں۔
میکرز کے مطابق فلم ۲۰۲۶ء کے موسم گرما میں سنیما گھروں میں ریلیز کی جائے گی، اور آنے والے مہینوں میں مزید کاسٹ اور تفصیلات سامنے آئیں گی۔