جاپان کی وزارت برائے صحت، محنت و بہبود کی طرف سے جمعہ کو جاری کردہ اعداد و شمار سے معلوم ہوا ہے کہ چائلڈ کیئر لیو لینے والے مردوں کی شرح ایک سال پہلے کے مقابلے ۴ء۱۰ فیصد پوائنٹس بڑھ کر ۹ء۵۰ فیصد ہوگئی ہے، جو مسلسل ۱۳ ویں سالانہ اضافے کی نشان دہی کرتی ہے۔

مقامی میڈیا نے پیر کے روز رپورٹ کیا کہ جاپان میں بچوں کی دیکھ بھال کیلئے رخصت (child care leave) لینے والے مردوں کا تناسب مالیاتی سال ۲۰۲۵ء میں پہلی بار ۵۰ فیصد سے تجاوز کرگیا ہے۔ رپورٹس میں اسے والدوں کو ’والدین کی رخصت‘ (Parental Leave) لینے پر راغب کرنے کی سرکاری کوششوں کے مثبت نتائج قرار دیا گیا ہے۔ ’کیوڈو نیوز‘ (Kyodo News) کی رپورٹ کے مطابق، جاپان کی وزارت برائے صحت، محنت و بہبود کی طرف سے جمعہ کو جاری کردہ اعداد و شمار سے معلوم ہوا ہے کہ چائلڈ کیئر لیو لینے والے مردوں کی شرح ایک سال پہلے کے مقابلے ۴ء۱۰ فیصد پوائنٹس بڑھ کر ۹ء۵۰ فیصد ہوگئی ہے، جو مسلسل ۱۳ ویں سالانہ اضافے کی نشان دہی کرتی ہے۔ یہ سروے مالیاتی سال ۱۹۹۳ء سے ہر سال کیا جاتا ہے۔

وزارت نے اس اضافے کی وجہ چھوٹے کام کی جگہوں پر ہونے والے فائدے کو قرار دیا۔ چائلڈ کیئر لیو لینے میں خواتین مردوں سے آگے رہیں، ۳ء۸۸ فیصد خواتین نے بچوں کی دیکھ بھال کیلئے رخصت لی، تاہم رخصت کے دورانیے میں نمایاں فرق برقرار رہا۔ خواتین میں سب سے بڑا حصہ، یعنی ۴ء۳۱ فیصد نے ۱۲ سے ۱۸ ماہ سے کم کی رخصت لی۔ جبکہ مردوں کیلئے سب سے عام مدت ایک سے تین ماہ سے کم تھی، جو ۳ء۳۰ فیصد ہے۔

یہ بھی پڑھئے: جاپانی وزیرِ اعظم تاکائچی صرف تین گھنٹے کی نیند لے پا رہی ہیں؛ اوور ورک کلچر پر ملک گیر بحث چھڑ گئی

اس تبدیلی کیلئے حکومت نے حالیہ اقدامات کو اس کا مرہونِ منت قرار دیا۔ ان اقدامات کے ذریعے آجروں کیلئے یہ لازمی قرار دیا گیا تھا کہ وہ حمل یا بچے کی پیدائش کی اطلاع دینے والے ملازمین کو چائلڈ کیئر لیو سسٹم کے متعلق وضاحت کریں۔ علاوہ ازیں، حکومت کے ذریعے، بعد از پیدائش پدری رخصت (postnatal paternity leave) کا نظام کو بھی زیادہ قابلِ رسائی بنایا گیا ہے، جس کے مثبت نتائج دیکھنے ملے ہیں۔ کام کی جگہ کے حجم کے لحاظ سے، ۵ سے ۲۹ ملازمین والے کاروباروں میں مردوں کیلئے یہ شرح پچھلے سروے کے ۱ء۲۵ فیصد سے بڑھ کر ۹ء۴۲ فیصد ہوگئی، جبکہ ۵۰۰ یا اس سے زیادہ ملازمین والی کمپنیوں میں یہ شرح ۸ء۵۳ فیصد سے بڑھ کر ۷ء۶۰ فیصد ہوگئی۔

اس سروے میں ان خواتین اور مردوں کو شامل کیا گیا تھا جن کے بچے اکتوبر ۲۰۲۳ء سے ستمبر ۲۰۲۴ء کے درمیان پیدا ہوئے تھے۔ سروے میں اس بات کی جانچ کی گئی کہ آیا انہوں نے اکتوبر ۲۰۲۵ء تک رخصت لی تھی یا نہیں، اور اس میں تقریباً ۶۳۰۰ کام کی جگہوں کو شامل کیا گیا تھا۔ حکومت نے ۲۰۳۰ء تک پدری رخصت (paternity leave) کی شرح کو ۸۵ فیصد تک بڑھانے کا ہدف مقرر کیا ہے۔

یہ بھی پڑھئے: جاپان میں اے آئی میچ میکر کا۲۶۵؍ شادیوں کا ذریعہ بننے کا دعویٰ

یہ پیش رفت ایسے وقت میں سامنے آئی ہے جب جاپان شدید آبادیاتی چیلنجز (demographic challenges) کا سامنا کر رہا ہے۔ حکومت نے گزشتہ ماہ بتایا تھا کہ جاپانی شہریوں کی آبادی چار دہائیوں سے زائد عرصے میں پہلی بار ۱۲ کروڑ سے نیچے گر گئی ہے۔ گزشتہ سال، ڈائیٹ (جاپانی پارلیمنٹ) نے ملک کی گرتی ہوئی شرحِ پیدائش کو بحال کرنے کے مقصد سے قانون سازی کی تھی، جس میں بچوں کے وظيفے (child allowances) میں اضافہ اور والدین کی رخصت کے فوائد کی توسیع شامل ہے۔