ہالی وڈ اسٹار جیسن موموآ نے ایک حالیہ انٹرویو میں بالی ووڈ سپر اسٹار شاہ رخ خان کو خود سے بہتر اداکار اور بہترین پرفارمر قرار دیا۔ ان کے بیان نے سوشل میڈیا پر مثبت ردعمل کو جنم دیا ہے۔

ہالی وڈ اداکار جیسن موموآنے بالی ووڈ کے عالمی شہرت یافتہ اداکار شاہ رخ خان کی کھل کر تعریف کرتے ہوئے کہا ہے کہ وہ ’’مجھ سے بہتر اداکار اور بہترین پرفارمر‘‘ ہیں۔ موموآ نے کہا کہ شاہ رخ خان نہایت مہربان اور باوقار شخصیت کے مالک ہیں۔ ان کے بقول، ’’وہ ایک حقیقی جینٹل مین ہیں اور مجھ سے بہتر اداکار ہیں۔ ہم دونوں ایک دوسرے کے کام کے مداح ہیں اور باہمی احترام رکھتے ہیں۔‘‘
یاد رہے کہ دونوں اداکار ماضی میں عالمی ایوارڈ تقریبات میں مل چکے ہیں اور ان کی تصاویر سوشل میڈیا پر وائرل ہو چکی ہیں۔ موموآ کی یہ تعریف ایسے وقت میں سامنے آئی ہے جب شاہ رخ خان عالمی سطح پر اپنی فلموں اور بین الاقوامی شناخت کے باعث خبروں میں رہتے ہیں۔

When Aquaman talks about the King 🙌🏻
Jason Momoa knows. The world knows. It’s SRK supremacy.🔥
. @iamsrk #jasonmomoa #ShahRukhKhan #Bollywood pic.twitter.com/eI4xVPyBQk

— Shah Rukh Khan Universe Fan Club (@SRKUniverse) February 13, 2026

سوشل میڈیا ردعمل
موموآ کے بیان کے بعد مداحوں نے سوشل میڈیا پر خوشی کا اظہار کیا۔ متعدد صارفین نے اسے ہندوستانی سنیما کے لیے اعزاز قرار دیا۔ ایک صارف نے لکھا کہ ’’شاہ رخ خان واقعی عالمی معیار کے اداکار ہیں، اسی لیے ہالی ووڈ اسٹارز بھی ان کا اعتراف کرتے ہیں۔‘‘ خیال رہے کہ ہالی ووڈ کے معروف اداکار کی جانب سے ایسی تعریف شاہ رخ خان کی عالمی مقبولیت کو مزید مستحکم کرتی ہے۔ ماہرین کے مطابق یہ بیان دونوں فلمی صنعتوں کے درمیان مثبت روابط کی عکاسی بھی کرتا ہے۔ فی الحال یہ بیان مداحوں کے درمیان موضوعِ بحث ہے اور اسے بین الاقوامی سطح پر ہندوستانی سنیما کی پذیرائی کے طور پر دیکھا جا رہا ہے۔