امجد خان کے بھائی اورمشہور ٹی وی اداکارہ کروتیکا دیسائی کے شوہر امتیاز خان کے انتقال پراداکار جاوید جعفری نے ٹویٹ کیا کہ ’’میں نے ان کے ساتھ فلم ’گینگ‘ میں کام کیا تھا۔

امجد خان کے بھائی اور مشہور ٹی وی اداکارہ کروتیکادیسائی کے شوہر امتیاز خان کے انتقال پر اداکار جاوید جعفری نے ٹویٹ کیا کہ ’’میں نے ان کے ساتھ فلم ’گینگ‘ میں کام کیا تھا۔ وہ نہ صرف ایک اچھے اداکار بلکہ بہترین انسان بھی تھے۔‘‘ جاوید جعفری نے اس ٹویٹ کے ساتھ امجد خان اور امتیاز خان کی تصویر بھی جاری کی ہے۔ 
 بالی ووڈ اداکارہ انجو مہندرو نے بھی اپنے انسٹا گرام اکاؤنٹ پر امتیاز خان کو خراج عقیدت پیش کیا۔ انہوں نے امتیاز خان کے خاندان کے ساتھ اپنی تصویر پوسٹ کرتے ہوئے لکھا کہ ’’یہ تصویر گزرے ہوئے وقت کی یاد دلاتی ہے۔ امتیاز میرے بہت اچھے ساتھی تھے۔ بھگوان ان کی آتما کو شانتی دے۔ ‘‘ اسی طرح سے بالی ووڈ کے اور بھی ستاروں نے انہیں خراج عقیدت پیش کیا۔واضح ہو کہ گزشتہ اتوار کو امتیاز خان کا انتقال ہوا تھا۔ انہوں نے اداکاری کے ساتھ ہدایتکاری بھی کی۔’ہلچل‘، ’پیارا دوست‘، ’دو گز زمین کے نیچے‘، ’اندھیرا‘، ’طوفان اور بجلی‘،’ انوکھا‘، ’زخمی‘، ’نور جہاں‘، ’امیر آدمی غریب آدمی‘، ’یادوں کی بارات‘ اور ’گینگ‘ جیسی فلموں میں کام کیا   جبکہ مشہور زمانہ فلم ’دھرماتما‘ میں انہوں نے فیروز خان کے بہنوئی اور فریدہ جلال کے شوہر کا ویلن کا کردار ادا کیا تھا جسے بے حد سراہا گیا۔