۱۹۶۷ء میں ریلیز ہونے والی جتیندر اور ببیتا کی ’فرض‘ تھی۔ آج یہ فلم جتیندر کے کریئر کی اہم ترین فلموں میں شمار ہوتی ہے، لیکن اس کی کامیابی کی راہ اتنی آسان نہیں تھی۔

ہندی سنیما کی تاریخ میں کئی ایسی فلمیں ہیں جنہوں نے ابتدا میں ناظرین کی توجہ حاصل نہیں کی، لیکن بعد میں کامیابی کے نئے ریکارڈ قائم کیے۔ ایسی ہی ایک فلم ۱۹۶۷ء میں ریلیز ہونے والی جتیندر اور ببیتا کی ’فرض‘ تھی۔ آج یہ فلم جتیندر کے کریئر کی اہم ترین فلموں میں شمار ہوتی ہے، لیکن اس کی کامیابی کی راہ اتنی آسان نہیں تھی۔ دلچسپ بات یہ ہے کہ فلم کو ابتدا میں ناظرین کی خاطر خواہ توجہ نہیں ملی تھی اور اسے سینما گھروں سے اتارنے تک کی نوبت آگئی تھی۔ ایسے وقت میں جتیندر نے ایک ایسی تدبیر اختیار کی جس نے فلم کی قسمت بدلنے میں اہم کردار ادا کیا۔ ایسے مشکل وقت میں جتیندر نے ہمت نہیں ہاری۔ انہوں نے سینما گھروں کے مالکان سے درخواست کی کہ فلم کو کم از کم ۱۵؍ ہفتے تک چلایا جائے۔ بتایا جاتا ہے کہ انہوں نے یقین دلایا تھا کہ اگر اس مدت کے بعد بھی ناظرین فلم دیکھنے نہیں آئےتو ٹکٹوں کی فروخت سے ہونے والے نقصان کی تلافی وہ خود کریں گے۔ جتیندر کا یہ اعتماد اور فلم پر ان کا بھروسہ قابل ذکر تھا۔ ان کی درخواست پر فلم کو مزید وقت دیاگیا۔ دلچسپ بات یہ ہے کہ جس فلم کو شروع میں ناظرین کی توجہ حاصل کرنے کے لیے جدوجہد کرنا پڑی، وہی بعد میں مقبول ہونے لگی۔ فلم کی کامیابی کا سفر شروع ہوا تو اس کے مزید پرنٹ تیار کرنے پڑے تاکہ زیادہ سے زیادہ سینما گھروں میں اسے دکھایا جاسکے۔