امریکی اداکار جانی ڈیپ نے مداحوں کی بے پناہ محبت اور حمایت کا شکریہ ادا کرنے کے لئے اپنا پہلا ٹک ٹاک ویڈیو شیئر کردیا ہے۔

امریکی اداکار جانی ڈیپ نے مداحوں کی بے پناہ محبت اور حمایت کا شکریہ ادا کرنے کے لئے اپنا پہلا ٹک ٹاک ویڈیو شیئر کردیا ہے۔ جانی ڈیپ کی جانب سے ٹک ٹاک پر شیئر کئے جانےوالے خصوصی ویڈیو میں ان کے اپنے مداحوں کے ساتھ گزرے خوشگوار اور یادگار لمحات کی جھلکیاں دیکھی جاسکتی ہیں۔ اُنہوں نےاپنے مداحوں کا شکریہ ادا کرتے ہوئے لکھا کہ’’ہم ہر جگہ ایک ساتھ رہے ہیں، ہم نے سب کچھ ایک ساتھ دیکھا ہے، ہم ساتھ میں ایک ہی راستے پر چلے ہیں۔‘‘ اُنہوں نے مزید لکھا کہ’’ہم نے مل کر بہت سے صحیح کام کئے، یہ سب اس لئے ممکن ہوا کہ آپ لوگوں نے ساتھ دیا اور اب ہم سب آگے بھی مل کر آگے بڑھیں گے۔‘‘