انگلینڈ نے فیفا ورلڈ کپ ۲۰۲۶ء کے گروپ ایل میں شاندار کارکردگی کا مظاہرہ کرتے ہوئے کروشیا کو ۲۔۴؍گول سے شکست دے کر اپنے مہم کا فاتحانہ آغاز کیا۔

انگلینڈ نے فیفا ورلڈ کپ ۲۰۲۶ء کے گروپ ایل  میں شاندار کارکردگی کا مظاہرہ کرتے ہوئے کروشیا کو۲۔۴؍گول  سے شکست دے کر اپنے مہم کا فاتحانہ آغاز کیا۔ ہیری کین کی جانب سے ۱۲؍ ویں منٹ میں دوبارہ لی جانے والی پنالٹی گول نے تھامس ٹوچیل کی ٹیم کو شاندار شروعات دلائی، جس کے بعد مارٹن بٹورینا نے ۳۶؍ ویں منٹ میں باکس کے باہر سے گھماؤ دار شاٹ لگا کر برابری کا گول داغ دیا۔ کین نے ڈیکلن رائس کے کارنر پر ہیڈر لگا کر انگلینڈ کو پھر سے برتری دلا دی، لیکن پیٹار موسا نے کروشیا کے شاندار حملے کو انجام دیتے ہوئے پہلے ہاف کے اسٹاپج ٹائم میں اسکور کو پھر سے برابر کر دیا۔

یہ بھی پڑھئے:خراب شروعات کے باوجود پُرتگال کا ورلڈ کپ ابھی ختم نہیں ہوا ہے: رونالڈو

دوسرے ہاف کے شروع ہونے کے محض دو منٹ بعد جوڈ بیلنگھم نے انگلینڈ کو پھر سے برتری دلا دی۔ انہوں نے ایلیٹ اینڈرسن کا پاس لے کر کروشیا کے گول کیپر ڈومینک لیواکووچ کو چکما دیتے ہوئے نچلے حصے میں شاٹ مارا، جو دور کے پوسٹ سے ٹکرا کر گول میں چلا گیا۔ اس کے بعد انگلینڈ نے کئی مواقع بنائے، جس میں لیواکووچ نے پانچ منٹ کے شاندار وقفے میں چھ بچاؤ کیے، جس کے بعد مارکس ریش فورڈ نے بینچ سے آکر پانچ منٹ باقی رہتے چوتھا گول داغ کر جیت کو یقینی بنا دیا۔ 

یہ بھی پڑھئے:اے آر رحمان کا’’اینٹی نیشنل‘‘ پوسٹ پر ہنستے ہوئے ردِعمل ،کہا:’’ کیا یہ ’’دُھرندھر‘‘ پر طنز تھا؟‘‘

انگلینڈ کا اگلا مقابلہ ۲۳؍ جون کو بوسٹن میں گھانا سے ہوگا، اسی دن کروشیا کا مقابلہ ٹورنٹو میں پناما سے ہوگا۔ ورلڈ کپ کے افتتاحی مقابلے میں مخالف ٹیم پر دو گول داغ کر ہیری کین بڑے ستاروں کی فہرست میں شامل ہو گئے ہیں۔ ارلنگ ہالینڈ، لیونل میسی اور کِلیان ایمباپے جیسے کھلاڑیوں نے ورلڈ کپ میں اپنی ابتدائی چھاپ چھوڑی ہے اور اب کین کے دو گولوں نے انہیں اسکورنگ چارٹ میں دنیا کے ٹاپ کھلاڑیوں کی صف میں لا کھڑا کیا ہے۔