بالی ووڈ میں اپنی سنجیدہ اداکاری کیلئے مشہور کنگنا رناوت نے لاک ڈاؤن کے دوران ایک نظم لکھی ہے۔

 بالی ووڈ میں اپنی سنجیدہ اداکاری کیلئے مشہور کنگنا رناوت نے لاک ڈاؤن کے دوران ایک نظم لکھی ہے۔ کورونا وائرس کی وجہ سے لاک ڈاؤن کے دوران شوٹنگ بند ہوجانے سے بالی وڈ کی مشہور شخصیات گھر پر ہیں اور اس دوران سبھی کچھ نہ کچھ نیا کررہے ہیں اور سوشل میڈیا پر جاری کر رہے ہیں۔ اب کنگنا رناوت نے ایک نظم لکھی ہے اور اسے اپنی آواز میں ریکارڈ کیا ہے۔ اس بات کی جانکاری کنگنا نے سوشل میڈیا پر دی ہے۔
  کنگنا نے اپنے انسٹاگرام اکاؤنٹ پر اپنی نظم ’آسمان‘ کی ایک جھلک پوسٹ کی ہے اور اس کے ساتھ لکھا ہے ’’ایک فنکار (کنگنا رنوت) کے دل سے سیدھے اس کی آواز میں ایک نظم۔ کل آسمان پہنچنا ہے۔‘‘
 کنگنا رناوت تمل ناڈو کی آنجہانی وزیر اعلیٰ جے للتا کی بائیوپک ’تھلاوی‘ میں نظر آئیں گی۔ یہ فلم ہندی، تمل اور تیلگو میں ریلیز کی جائے گی۔ اس فلم کے علاوہ وہ فلم ’تیجس‘ میں ایک ائیرفورس پائلٹ کے کردار میں بھی دکھائی دیں گی۔