منوج باجپئی اور کونکونا سین شرما کی کرائم ویب سیریز ’’کلر سوپ ‘‘ کا ٹریلرآج لانچ کیا گیا۔
EPAPER
Updated: January 03, 2024, 5:03 PM IST | Inquilab News Network | Mumbai
منوج باجپئی اور کونکونا سین شرما کی کرائم ویب سیریز ’’کلر سوپ ‘‘ کا ٹریلرآج لانچ کیا گیا۔
’’کلر سوپ‘‘کے فلمسازوں نے بدھ کو فلم کا ٹریلر سوشل میڈیا پر لانچ کیا۔ انسٹاگرام پر اواو ٹی پلیٹ فارم نیٹ فلکس نے ویڈیو شیئر کرتے ہوئے لکھا کہ ’’امیش اور سواتھی سال کی سب سے عجیب و غریب کرائم تھریلر لارہے ہیں، اور راز کھلنےہی والے ہیں !کلر سوپ کاٹریلر جاری!!‘‘
یہ سیریز ایک ابھرتی ہوئی شیف سواتی شیٹی کی کہانی ہے جو پوری دنیا کو اپنے سوپ سے لطف اندوز کرنے کی خواہش رکھتی ہے۔
منوج باجپئی جو اس سیریز میں ’’امیش‘‘ کا کردار ادا کر رہے ہیں نے کہا کہ ’’میں اپنے کریئر میں میں پہلی مرتبہ ڈبل رول ادا کروں گا۔ دونوں ہی کردار ایک دوسرے سے مختلف ہوں گے۔ میں نے ابھیشیک چوبے کی ہدایت کاری کی صلاحیتوں پر بھروسہ کیا۔ نیٹ فلکس سے تعاون کیا اور ایک ایسی کاسٹ کے ساتھ کام کیا جس نے کرداروں میں جان ڈال دی تاکہ حادثاتی جرم کو ایک حقیقی پاٹ بوائلر بنایا جاسکے۔ ان کے دل میں۔ کلر سوپ ایک کرائم تھریلر ہے جو مختلف انواع کو ملاتا ہے، اور ایک مزیدار سرونگ بناتا ہے جس سے ہر کوئی لطف اندوز ہوسکتا ہے۔‘‘
’’سواتھی شیٹی‘‘ کا کرادار ادا کرنے والی کونکونا سین شرما نے کہا کہ ’’سواتھی شیٹی کے کردار میں ڈھل کر میں نے ایک مختلف تجربہ کیا۔ میرے لئے یہ ایک گہرا، تاریکی اور پیچیدہ کردارہے۔ بہت وقت کے بعد نیٹ فلکس اور ابھیشیک چوبے کے ساتھ مل کر میں نے باصلاحیت اداکاروں کے ساتھ کام کیا۔ ٹریلر ایک نرالی دنیا کی جھلک شیئر کرتا ہے جسے ہم نے ایک سوئے ہوئے شہر کے پس منظر میں بنایا ہے۔ سیریز میں سسپنس کے اشارے آپ کو حیران کردیں گے۔ کیا وہ پکڑپائیں گی یا نہیں اور کیا سوپ ابل پڑے گا؟ میں بے صبری سے شائقین کے ردعمل کا انتظار کررہی ہوں کہ جب وہ کلر سوپ دیکھیں گے۔‘‘
ہدایت کار ابھیشیک چوبے کی اس سیریز میں منوج باجپئی ، کونکونا سین شرما، نصر ، سیاجی شندے، لال، انبوتھاسن ، انولا نولیکر اور کنی کسروتی اہم کرداروں میں ہیں۔
پروڈیوسر چیتنا کوشک اور ہنی ٹریہان کی ’’کلرسوپ‘‘ نیٹ فلکس پر ۱۱؍ جنوری ۲۰۲۴ء کو ریلیز ہوگی۔